Tennessin

Tennessin (Ts — tennessine anglijan kelel) om 117nz' himine element himižiden elementoiden periodižes tabludes. Sen sijaduz om seičemendestoštkümnendes gruppas, tabluden seičemendes periodas.

117	7 18 32 32 18 8 2
Ts (294)
Tennessin

Ei ole tennessinad londuses. Se om transaktinoidine ratud element.

Avaidusen istorii da nimi

Venämalaižiden tedomehiden grupp avaiži tennessinan Dubnas vll 2009−2010 ampten kal'cijan-48 ionil berklijan-249 metho, sädihe berklijad AÜV:oiš. Vl 2014 tedomehiden grupp Darmštadtas (Saksanma) sai elementad tošti.

Vn 2016 28. päiväl kül'mkud IUPAC vahvišti elementan nimitust AÜV:oiden Tennessi-štatan nimen mödhe (angl. Tennessee), sikš miše severz'-se jüžmakoiden elementoiden tedoiduzkeskusid sijadasoiš neciš štatas. Sihesai kucuihe elementad Ununseptii-nimeks (Uus, 117nz') da eka-astataks.

Fizižed ičendad

Tennessin om radioaktivine galogen, om enamb metalližid ičendoid ezimeletaden.

Atommass — 294. Ninevuz (normaližiš arvoimižiš) — 7,1..7,3 g/sm³ (lugustusen mödhe). Elementale pidab olda kovaks honuzlämudel. Tennessin voib olda üks'atomižeks toižiš galogenišpäi erineden, i kehuškandeb alembal lämudel. Suladandlämuz — 623..823 K (350..550 C°, ezimeletaden). Kehundlämuz — 883 K (610 C°, ezimeletaden).

Vodele 2018 kaik om 2 avaitud izotopad 293 da 294 atommassanke, izomärid ei ole. Kaikiš hätkemban tennessin-294-izotopan pol'čihodamižen pord om 0,051 sekundad.

Himižed ičendad

Järgeližed muigotandmärad lindäs +1 i +3, endištajidenke reakcijoidenke, mugažo +5 i −1 harvas, läz ei linne muigotamižreakcijoid. Primitivine ühtnend — TsH.

Irdkosketused

Tennessin webelements.com-saital. (angl.)

Tennessin Vikiaitas