Stara Zagor
Stara Zagor (bolg.: Стара Загора [ˈstarɐ zɐˈɡɔrɐ]) om lidn Bolgarijan keskuzpalas. Se om valdkundan kudenz' lidn da kund eläjiden lugun mödhe, om Stara Zagoran agjan administrativižeks keskuseks.
Lidnanznam
|
Flag
|
| Valdkund | Bolgarii |
| Eläjiden lugu (2022) | 136,183 ristitud |
| Pind | 85,11 km² |
| |
| Pämez' | Živko Todorov (kül'mku 2011—, Живко Тодоров) |
| Telefonkod | +359−42 |
| Aigvö | tal'vel UTC+2, kezal UTC+3 |
Istorii vajehta
Eländpunktan aluz om pandud nelländen voz'sadan EME keskes Beroe-nimenke, nügüd'aigan lidnan kukkaz, päine stadion i ižanduzkombinat nimitadas muga. Ottomanan imperijas lidn oli ižandusen znamasine keskuz, sen nimitused oliba Eski Hisar («vanh lidnuz» turkan kelespäi) i Eski Zagra (1360-nded voded — 1854). Sai nügüdläšt nimitust vl 1870.
Stara Zagor šingotase elektrusen tehmižel (Bolgarijan koumandez) i hilen samižel (valdkundan viž kudendest), metalltegesiden edheotandoil, pidatimiden tegimel, gazoiden samižen il'maspäi tegimel, sömtegimištol (olud, vinad), järedoil torguindkeskusil.
Geografijan andmused vajehta
Lidn sijadase 196 m ü.m.t. keskmäižel korktusel. Matkad Sofii-pälidnhasai om 231 km päivlaskmha.
Klimat om subtropine kuivahk. Voden keskmäine lämuz om +13 C°, kezakun-sügüz'kun +21..+25 C°, tal'vkun-uhokun +2..+4 C°. Ekstremumad oma −24 C° i +42 C°. Paneb sadegid 598 mm vodes, enamba semendkus-kezakus (66..71 mm kus), vähemba uhokus-keväz'kus (35..37 mm kus) i sügüz'kus (32 mm).
Eläjad vajehta
Vl 2011 lidnan eläjiden lugu oli 138 272 ristitud, agjan kaks' videndest. Kaikiš suremb ristitišt oli läz 160 tuhad eläjid vll 1989−1991.
Rahvahad (2011): bolgarijalaižed — 85,3 %, čiganalaižed — 3,9 %, turkad — 1,4 %, toižed rahvahad — 0,4 %, rahvahuden ozutandata — 9,0 %.
Frakijan universitet[1] (bolg.: Тракийски университет, ТрУ) radab lidnas vspäi 1995. Se om sätud medicinan i veterinarijan institutoiden ühtištusel, läz kut tuhad üläopenikoid. Kaik kuz' fakul'tetad, medkolledž i opendajiden kvalifikacijan ližadusen departament mülüdas universitetha.
Homaičendad vajehta
Irdkosketused vajehta
- Lidnankundan ohjastusen oficialine sait (starazagora.bg). (bolg.) (angl.)
| Stara Zagor Vikiaitas |