Sjudad Guajan

Sjudad Guajan (isp.: Ciudad Guayana [sjuˈðað ɣwaˈʝana] «Guajan-lidn») om Venesuelan kudenz' lidn eläjiden lugun mödhe. Se om Bolivar-štatan kaikiš suremb lidn eläjiden lugun mödhe.

Sjudad Guajan
Ciudad Guayana

Lidnanznam
Valdkund	Venesuel
Eläjiden lugu (2021)	820,780 ristitud
Pind	560 km²
Pämez'	Tito Ovjedo (2017—, Tito Oviedo)
Telefonkod	+58−286
Aigvö	UTC−4

Istorii

Eländpunktan aluz om pandud kahten eländpunktan ühtištusel vn 1961 2. päiväl heinkud sauvomha järedad Guri-gidroelektrostancijad Karoni-jogel 70 km suvhe lidnaspäi. Nece GES pästab valdkundan elektrusen enamba pol't, 4nz' surtte GES mail'mas (2018).

Kaks' alüminijantegint i raudan metallurgijan kompanii ratas lidnas.

Geografijan andmused

Lidn vedase 40 kilometrad pidust' Orinoko-jogen oiktad (suvišt) randad, seižub sen kaikiš znamasižemban Karoni-ližajogen lanktendan sijas. Karoni läbitab lidnad suvespäi pohjoižhe i jagab kaks'haze: vanh San Feliks-lidn om päivnouzmas (San Félix, alusenpanend 1724), uz' planiruidud Puerto Ordaz ([ˈpweɾto oɾˈðas]) levitase päivlaskmas. Sjudad Guajan sijadase 13 m ü.m.t. keskmäižel korktusel. Matkad štatan Sjudad Bolivar-pälidnhasai om 110 km päivlaskmha Orinokon ülezjogen.

Klimat om ekvatorialine. Kun keskmäine lämuz om +25..+28 C° vodes läbi. Ekstremumad oma +18 C° i +37 C°. Paneb sadegid 1420 mm vodes, vähemba uhokus (48 mm), vihmsezon oleskeleb kezakus-elokus (200..255 mm kus).

Eläjad

Vl 2001 eläjiden lugu oli 706 736 ristitud, štatan ristitišton läz pol't.

Vodele 2006 kombiniruidud raudte- da avtotesild om saudud Orinokos päliči.

Galerei

• 
  «Eurobuilding»-adivpert' (2013)
• 
  «Orinokia»-moll vl 2009
• 
  Äifunkcionaline «Kačamai»-stadionkompleks Karoni-jogen randal (2007)
• 
  Orinokia-sild vl 2007