Saue

Saue (mugažo estin kelel) om Estinman lidn, Tallidnan suvipäivlaskmaine ezilidn. Sijadase Harju-makundas.

Saue

Lidnanznam	Flag
Valdkund	Estinma
Eläjiden lugu (2017)	5,810 ristitud
Pind	3,49 km²
Pämez'	Harri Pajundi (2010−2012, 2016—)
Telefonkod	+372-xxx-xxxx
Aigvö	tal'vel UTC+2, kezal UTC+3

Istorii

Sauen pert'kulu da usadib (saks.: Friedrichshof) om saudud 17. voz'sadal vai sen aigemba.

Eländpunktan aluz om pandud vl 1920 kezaküläks kazvatamha saduid. Vl 1973 nimitihe kezaküläd Saue-küläks. Saue sai lidnan statusad vl 1993. Vozil 1960−1994 oli Tallidnan palaks.

Geografijan andmused

Lidn sijadase Estinman lodehes, tazotahondas, 44 m korktusel valdmeren pindan päl. Pöudod da mecad ümbärtas lidnad.

Eläjad

Vn 2011 Estinman rahvahanlugemižen mödhe eläjiden lugu oli 5 514 ristitud, 93,3 % heišpäi oma estilaižed, 4,7 % — venänikad, 2,0 % — toižed rahvahad. Kaikiš suremb ristitišt om nügüd'.

Vspäi 1998 «Saue JK Laagri»-futbolklub om olmas lidnas, vspäi 1996 muzikškol lapsiden täht radab.

Transport

Raudteplatform om «Tallidn — Keil»-keskustal vspäi 1872. Vozil 1926-2011 raudtestancijan pert' oli olmas. Matkad Tallidnan keskushesai om 18 km, Keil-lidnan keskushesai om seičeme kilometrad. «Tallidn — Pärnu»-avtoten i Tallidnan ümbräravtoten erižtazoristte om lidnan suves. Elektrojonused ajadas 27 minutas Tallidnan päraudtestancijhasai vspäi 1924.

Irdkosketused

• Lidnan tobmuden oficialine sait (saue.ee). (est.)
• Verkkamer Saue-lidnan päl, täuz' nägu estonia360.ee-saital.