Sastamal

Sastamal (suom. i roč.: Sastamala, suomen virkand: [ˈsɑstɑˌmɑlɑ])) om Suomenman lidn valdkundan suvipäivlaskmas. Se om Pirkanma-agjan videnz' lidnankund 12:späi eläjiden lugun mödhe.

Sastamal
Sastamala (suom. i roč.)

Lidnanznam
Valdkund	Suomenma
Eläjiden lugu (2024)	23,486 ristitud
Pind	1,531,74 km²
Pämez'	Jarkko Malmberg (uhoku 2013—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vspäi 2009 lidnan statusanke, ühtištadihe Vammal-lidnad (suom.: Vammala) Äetsä- i Mouhijärvi küläkundoidenke. Kävutadas Karkku-municipalitetan znamad, mülütihe sidä Vammal-lidnha vl 1973. Lidnan nimituz libub tahondan Sastamall-nimespäi, mainitase Birger Maununpoja-kunigahan vn 1300 (vai 1303) kirjeižes. Kiikonen-municipalitet om lidnankundan palaks vspäi 2013.

Sastamal šingotase valdkundaližil i toižil holitišil (sauvusiden projektiruind), mašinansauvomižel (lämbituzsistemiden südäilaudad), plastmass- i räzintegesiden edheotandal, mecan ümbriradmižel, kalaižandusel i maižandusel, niiden produkcijan ümbriradmižel. Kirjoiden päiväd i «Sastamala Gregoriana»-muzikfestival' oleskeldas lidnas.

Geografijan andmused

Lidn sijadase agjan suvipäivlaskmaiženno röunanno, Kokemäenjogen joksmusen zavodindanno (lankteb Botnižhe lahthe), Liekovezi- i Rautavezi-järviden randoil.

Matkad agjan Tampereh-keskushesai om 49 km päivnouzmha-pohjoižpäivnouzmha, Hel'sinkihesai — 190 km suvipäivnouzmha avtotedme. Lähembaižed lidnad oma Huttinen (Sadakund) 25 km suvipäivlaskmha i Nokia 35 km päivnouzmha-pohjoižpäivnouzmha.

Vn 2022 andmusiden mödhe lidnan ühthine pind om 1531,74 km², sidä kesken kuivma 1429,15 km², vezi i sokaz ma ottas 102,59 nellikkilometrad.

Tobmuz

Lidnankundan kart ende erigoittud kundoidenke (2020)

Kaik 25 nimitadud rajonad oma municipalitetas, 161 kadastrine külä om registriruidud siš. Sastamalan municipaline suim kogoneb 43 ezitajaspäi.

Eläjad

Vl 1980 lidnan eläjiden lugu oli 27 591 ristitud (kaikiš suremb ristitišt vspäi 1980), vl 2000 — 26 195 ristitud, vl 2010 — 25 764 ristitud, vl 2020 — 24 251 ristitud.

Mamankelen mödhe (2016): suomen kel' — 97,4 %, ročin kel' — 0,1 %, toižed keled — 2,5 %.

Galerei

• 
  Lidnan ohjastusen pert' (2019)
• 
  Ph. Olafan jumalanpert' (om saudud vl 1510) Türvää-rajonas, vn 2005 nägu
• 
  Suomen kirjan «Pukstaavi»-muzei (2014)
• 
  Vammalan päraudtestancii vl 2006

Irdkosketused

• Lidnan oficialine sait (sastamala.fi). (suom.)