Ramallah

Ramallah (arab.: رام الله Rāmallāh «Ülähaižen korktuz», evr.: רמאללה Ramallah) om Izrailin Palestinan avtonomijan administrativine keskuz de fakto (vspäi 1993), Palestinan Valdkundan pälidn palahiženke tundištusenke.

Ramallah
رام الله (Rāmallāh, arab.)
רמאללה (Ramallah, evr.)

Valdkund	Izrail' − de fakto Palestinan Valdkund − palahiženke tundištusenke]]
Eläjiden lugu (2015)	41,630 ristitud
Pind	16,3 km²
Pämez'	Musa Hadid (2012—)
Aigvö	tal'vel UTC+2, kezal UTC+3

Lidn om Palestinan ižandusen da politikan keskuz.

Geografijan andmused

Ramallah sijadase Jordan-jogen Päivlaskmaižen randan keskuses, 15 km pohjoižhe Jerusaliman keskusespäi, sen pohjoižen röunan taga kahtes kilometras. Lidn seižub mägikukhil 830..880 metrad ü.m.t. korktusil.

Klimat om Keskmeren, om 67 km orhal sen randhasai. Keza om kuiv da räk. Tal'v om pehmed vihmakaz, lumikurod oleldas.

Eläjad

Ramallahan eläjad oma arabialaižed, heišpäi pol' oma islamanuskojad, pol' — hristanuskojad.

Vn 2007 rahvahanlugemižen mödhe eläjiden lugu oli 27 460 ristitud.

Ižanduz

Ramallah om turizman, rahaazjoiden da telekommunikacijoiden sijaline keskuz. Reskveden, puvoin pästajad da alüminijan tegijad edheotandad sijadasoiš lidnas da sen ümbrištos.

Irdkosketused

• Lidnan ohjastusen oficialine sait (ramallah.ps) arabaks i anglijan kelel.