Präž (ven.: Пряжа, karj.: Priäžä, suom.: Prääsä) om Venäman lidnanvuitte žilo Karjalan Tazovaldkundan suves. Se om Präžan rahvahaližen rajonan administrativine keskuz da kaikiš suremb eländpunkt, mugažo Präžan lidnankundan keskuz.

Präž
Пряжа (ven.)
Priäžä (karj.)
Prääsä (suom.)
Valdkund Venäma
Eläjiden lugu (2019-01-01) 3,487 ristitud
Präž Пряжа (ven.) Priäžä (karj.) Prääsä (suom.)
Pämez' Aleksandr Karpov
(sügüz'ku 2013—)
Telefonkod +7−81 456-xx-xxx
Avtokod 10
Aigvö UTC+3 (MSK+0)

IstoriiRedigeeri

Ezmäižed eländpunktad Präžanjärven randoil mainitasoiš Änižen pätinan aigkirjas vll 1582−1583. Külä Präž-nimenke mainitase ezmäižen kerdan 1640-nzil vozil.

18. voz'sadan augotišel manmehed sordiba mec, vaumičiba puhil't i saiba raudkivendod järvespäi — kaik Oloncan tegimiden täht.

Toižen mail'man sodan vozil 1941−1944 Suomenman sodaväged oliba žilos, kudambad nimitihe Teru:ks sil aigal.

Vl 1962 anttihe žilole lidnanvuiččen žilon statusad. Žilon päiv praznuičese kezakun 5. päiväl.

Geografijan andmusedRedigeeri

Žilo sijadase rajonan päivnouzmas, ühtennimižen järven päivlaskmaižel randal. Matkad Petroskoihesai om 42 kilometrad päivnouzmha orhal vai 52 km avtotedme, se om lähembaine lidn.

Voden keskmäine lämuz om +2,7 C°.

Man'g-žilo (ven.: Маньга), Man'g-külä i Kindasovo-külä mülüdas lidnankundha Präžan ližaks, niiden ühthine ristitišt oli 65 eläjad vl 2013. Lidnankundan pind — 545 km².

TobmuzRedigeeri

Lidnankundan uz' päkäskuz om vahvištadud vl 2012, se vajehti vn 2008 päkäskust.

Kaik 10 ezitajad mülüdas Lidnankundan Nevondkundha (ven.: Совет поселения). Valitihe heid järgenduseližen kerdan vl 2013 sügüz'kun 8. päiväl (koumanz' kucund)[1]. Andrei Stajennii radab sen ezimehen.

Aleksandr Karpov radab lidnankundan pämehen vn 2013 sügüz'kun 8. päivän valičendoiden jäl'ghe. Hänen valdatusiden strok om viž vot. Varapämez' om hänele abhu.

EläjadRedigeeri

Vl 1939 žilon ristitišt oli 1 898 eläjad, vl 1959 — 2 519 eläjad. Vn 2002 Venäman rahvahanlugemižen mödhe žilon eläjiden lugu oli 4 269 ristitud, vl 2010 — 3 675 ristitud. Kaikiš suremb ristitišt oli 4 809 eläjad vl 1979. Rajonan ristitišton nelländez eläb žilos.

Vspäi 2001 ortodoksižen hristanuskondan Pühän Jumalanmaman Katken kivesine pühäpert'[2] om avaitud žilos, mugažo ph. Uar Egiptalaine-moknikan puine časoun' om saudud vll 2014−2018.

Ižanduz da transportRedigeeri

Ižandusen sarakod oma mecan varhapanend, pumaterialan ümbriradmine, avtotekohendusen edheotandad, marjoiden ümbriradmižtegim, maižanduz, sömän pästand živatoiden täht, turizm.

«Kol»-avtote (E105-trass) ümbärdab žilod pidust' päivlaskmašt röunad. Avtote Sortavalhasai (A-129) lähteb žilospäi.

Kodirandantedištandmuzei, čomamahtoiden lapsidenškol i kaks' rajonkirjištod oma žilos. Opendusen aluzkund om keskškol.

HomaičendadRedigeeri

  1. Выборы депутатов Пряжинского городского поселения третьего созыва (Präžan lidnankundan ezitajiden valičendad − koumanz' kucund). — Tedod mänijoiš valičendoiš da referendumiš (vybory.izbirkom.ru) // Venälaižen Federacijan keskuzline valičemižlaudkund. (ven.)
  2. Präžan pühäpertid sobory.ru-saital. (ven.)

IrdkosketusedRedigeeri