Nzerekore (franc.: Nzérékoré) om lidn Gvinejan suvipäivnouzmas. Valdkundan kahtenz' surtte lidn, om ühtennimižen agjan i sen Nzerekoren prefekturan administrativižeks keskuseks.

Nzerekore
Nzérékoré
Valdkund Gvinei
Eläjiden lugu (2014) 195,027 ristitud
Pind 47,3 km²
Nzerekore Nzérékoré
Telefonkod +224-
Aigvö UTC+0

Istorii vajehta

Lidnan territorii oli alištadud Francijan sodavägile 1890-nzil vozil. Lidn oli francijanvastaižen likundan keskuseks vl 1911. Katoline missii oli alusenpandud lidnas vn 1913 lopus, eparhijan keskuz vspäi 1959. Nzerekore ližadui suruzid i kändihe administrativižeks keskuseks Toižen mail'man sodan jäl'ghe. Mecpilindan edheotandad i fanertegim abutiba šingotesele.

Nzerekore šingotase penil edheotandoil (lihan ümbriradmine, paštandsijad, omblend, mehanik), torguindan keskuseks (koume torgust) i hobedan samižel. Raudkivendon löudmižsijan radatoitand läz lidnad om sen naceine tuleb aig.

Geografijan andmused vajehta

Lidn sijadase agjan suves, Gvinejan mecregionas, 560 m ü.m.t. keskmäižel korktusel. Reljef om koverikaz, koume mäged seištas lidnas: Götö (450 m kortte), Hononje (franc.: Hononye) i Kveleje (Kwéléyé, 350 m). Tile-jogi (Tilé) om lidnas. Matkad Konakri-pälidnhasai om 570 km lodeheze.

Klimat om tropižen savannan, subekvatorialine vö. Kun keskmäine lämuz om +23..+26 C° vodes läbi. Paneb sadegid 1754 mm vodes, enamba elokus-sügüz'kus (298..324 mm kus), vähemba kül'mkus-uhokus (10..73 mm kus). Relätivine nepsuz om penemb mi 70 % vaiše vilukus-uhokus.

Eläjad vajehta

Vl 2008 eläjiden lugu oli 224 791 ristitud, pagenikoidenke lähižiš valdkundoišpäi (Kot d'Ivuar, Liberii, Sjerra Leone) rahvahanikoiden sodoiden tagut 21. voz'sadan augotišes. Se oli kaikiš suremb ristitišt, ližadui lujas vspäi 1996 (107 329 eläjad).

Ristitišt kogoneb severziš-se sijaližiš rahvahišpäi: gerze i manonad (igähižed rahvahad), koniakad, peulad, toma, kissi, sussu. Om rahvahiden lähižiš valdkundoišpäi kundoid, politižid pagenijoid.

Transport vajehta

Lidn ühtezoitase avtotel Kankan-lidnanke pohjoižes.

Nzerekoren civiline lendimport (NZE / GUNZ) radab 12 km pohjoižpäivnouzmha lidnaspäi.

Homaičendad vajehta