Narimanov (lidn)

Narimanov (ven.: Нарима́нов) om Venäman lidn da lidnankund Astrahanin agjan suvipalas. Se om Narimanovan rajonan administrativine keskuz.

Narimanov
Нариманов

Valdkund	Venäma
Eläjiden lugu (2021)	10,601 ristitud
Pind	27,62 km²
Pämez'	Vladimir Nazarov (reduku 2019—)
Telefonkod	+7−85 171-xx-xxx
Avtokod	30
Aigvö	UTC+4 (MSK+1)

Istorii

Eländpunktan aluz om pandud vn 1963 21. päiväl sulakud kuti Vododelitel'-žilo otmaha kävutamižhe Volgan suhišton oiktad randpol't. Vn 1973 sügüz'kul vezijagajan padoseinän sauvond tuli lophu i laivoiden likund zavodihe sen kal't. Saudihe šlüzad vodele 1975. Udesnimitihe Nižnevolžskii-žilod nügüdläižikš Venäman kirjutajan da Azerbaidžanan NST:n Nariman Narimanov-pämehen (1870−1925) oiktastuseks da anttihe lidnan statusad vn 1984 19. päiväl redukud.

Narimanov šingotase laivansauvomižen «Lotos»-tegimel, geotekstilin «Geksa-Lotos» kompanijal, kalankazvatusen da melioracijan edheotandoil.

Geografijan andmused

Lidn sijadase Volg-jogen korktal oiktal randal, valdmeren tazopindan (0 m) keskmäižel korktusel. Matkad Astrahanihesai om 45 km suvhe «Kaspii»-avtotedme (M6), ümbärdab lidnad päivlaskmaspäi. Kivivoinvalamižport om saudud lidnas.

Narimanov om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu om 11 521 ristitud, rajonan nelländez. Kaikiš suremb ristitišt oli 12 300 eläjad vl 1998. Vl 2017 kaik 11 118 ristitud elihe lidnas.

Ortodoksižen hristanuskondan Pühän Jumalanmaman Blagoveščenjan jumalanpert' om saudud vozil 2001−2012.

Astrahanin proftehnologijoiden valdkundaližen kolledžan filial om lidnan professionaližen opendusen aluzkundaks.

Edeline lidnankundan pämez' (sen Nevondkundan ezimez') om Aleksandr Nikitin (reduku 2016 — sügüz'ku 2019).

Galerei

• 
  Kontor (2012)
• 
  Pühän Jumalanmaman Blagoveščenjan jumalanpert' sauvomižes, vn 2009 nägu
• 
  Äižiruižes pertištos (2009)
• 
  Znam lidnan röunal vl 2009

Irdkosketused

• Lidnan tobmuden oficialižed lehtpoled mo.astrobl.ru-saital. (ven.)