Ahtubinsk

Ahtubinsk (ven.: Ахту́бинск) om Venäman lidn da lidnankund Astrahanin agjan lodehes. Se om agjan kahtenz' lidn eläjiden lugun mödhe, Ahtubinskan rajonan administrativine keskuz, mülüb rajonha.

Ahtubinsk
Ахтубинск

Lidnanznam	Flag
Valdkund	Venäma
Eläjiden lugu (2021)	36,127 ristitud
Pind	17 km²
Pämez'	Dmitrii Šubin (reduku 2021—)
Telefonkod	+7−85 141-xx-xxx
Avtokod	30
Aigvö	UTC+4 (MSK+1)

Istorii

Eländpunktan aluz om pandud vl 1959 koumen žilon ühtištusel — Vladimirovk-slabad' (ven.: Владимировка, mainitase vspäi 1793), Petropavlovk-žilo (ven.: Петропавловка) i Ahtubanžilo. Panihe niiden žiloiden alust kormadamha keitandsolad Baskunčak-järvespäi Volgan laivoihe. Ezmäine raudtesild Ahtubas päliči oli saudud vl 1912, raudtestancii nimitase Vladimirovk:aks.

Venäman kaikiš suremb kaičendministrusen lendimiden kodvindkeskuz sijadase lidnanno. Ahtubinsk šingotase laivoiden sauvondan da kohendusen tegimel, mugažo sömtegimišton edheotandad ratas (lihakombinat, leibänpaštandsijad).

Geografijan andmused

Lidn sijadase Volgan hijamiden (Ahtub, Vladimirovk, Kalmink) hural randal, üks' metr valdmeren tazopindan päl keskmäižel korktusel. Matkad Astrahanihesai om 305 km suvipäivnouzmha avtotedme. Lähembaine lidn om Znamensk 50 km lodeheze kaikil teil.

Viž pen't eländpunktad mülüdas lidnankundha Ahtubinskan ližaks. Lidnankundan pind — 1055,4 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 41 853 ristitud, lidnankundan — 41 923 ristitud, rajonan koume videndest. Kaikiš suremb lidnan ristitišt oli 53 tuhad eläjid vl 1987. Vl 2017 kaik 37 883 eläjad oli lidnas i 37 906 eläjad kaikes lidnankundas.

Rahvahad (2010): venälaižed — 86,5 %, kazahlaižed — 6 %, ukrainalaižed — 2,2 %, toižed rahvahad — 5,3 %.

Ortodoksižen hristanuskondan koume pühäpertid oma olmas lidnas: 18. voz'sadan Jumalanmaman Vladimiran jumalaižen pühäpert' om udessaudud kafedraližeks päjumalanpertikš vll 2002−2010, Mikoi-arhangelan čudon jumalanpert' i časoun'.

Astrahanin avtotekolledžan filial i Astrahanin bazižen medkolledžan filial oma Ahtubinskan profopendusen aluzkundoikš.

Edeline lidnan pämez' om Amanga Naruzbaev (reduku 2009 — eloku 2019).

Galerei

• 

  Kul'turan da lebun keskuzpuišt (2005)

• 

  Jumalanmaman Vladimiran jumalaižen kafedraline päjumalanpert', vn 2009 nägu

• 

  Venäman kaičendministrusen lenduzkodvkeskuz vl 2015

• 

  Oficeriden kul'turkeskuz (2014)

• 

  Vladimirovk-päraudtestancijan sauvuz vl 2005

Irdkosketused

• Lidnan tobmuden sait (adm-akhtubinsk.ru). (ven.)