Kamizäk

Kamizäk (ven.: Камызя́к, kaz.: Құмөзек / Qumózek «rogoheinän žomad») om Venäman lidn da lidnankund Astrahanin agjan suves. Se om Kamizäkan rajonan administrativine keskuz (vspäi 1925).

Kamizäk
Камызяк

Lidnanznam
Valdkund	Venäma
Eläjiden lugu (2021)	15,753 ristitud
Pind	24,08 km²
Pämez'	Jelena Kostrikina (keväz'ku 2020—, Елена Кострыкина)
Telefonkod	+7−85 145-xx-xxx
Avtokod	30
Aigvö	UTC+4 (MSK+1)

Istorii

Eländpunkt mainitase ezmäižen kerdan vl 1560 kuti kalatezport, ristitišt püdi kalad. Ühtištuihe žilod lähižidenke penidenke žiloidenke da anttihe lidnan statusad vn 1973 2. päiväl uhokud.

Kamizäk šingotase sömtegimišton edheotandoil (ristegim, konservtegim, lindferm), mugažo Kaspijanrandaližen aridižen manradandan tedoinstitutan filial (edel 2018. vot erine Venäman kastlijan maploduidenkazvatusen da arbuzlinmavodindan tedoinstitut) radab lidnas.

Geografijan andmused

Lidn sijadase Volgan suhišton Kamizäk-hijaman randal, −24 m keskmäižel korktusel, alemba mail'man valdmeren tazopindad. Matkad lähembaižhe Astrahan'-lidnhasai om 35 km pohjoižhe avtotedme.

Kamizäk om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 16 314 ristitud, rajonan koumandez. Kaikiš suremb ristitišt oli enamba 16 tuhad eläjid vll 2000−2017 (16 314 rist. vl 2010). Vl 2017 lidnan eläjiden lugu oli 16 077 ristitud.

Ortodoksižen hristanuskondan Jumalanmaman Smolenskan jumalaižen jumalanpert' om olmas lidnas, udessündutihe vodele 2008.

Kamizäkan maižanduzkolledž om lidnan professionaližen opendusen aluzkundaks.

Edeline lidnan pämez' (Nevondkundan ezimez') om Dmitrii Vasil'jev (tal'vku 2013 — keväz'ku 2020).

Galerei

• 
  Kontor (2010)
• 
  Jumalanmaman Smolenskan jumalaižen jumalanpert', vn 2010 nägu
• 
  Venäman Penziifondan palakundan sauvuz (2010)
• 
  Suren sodan hoštusen muštnik (2010)
• 
  Znam lidnan röunal vl 2010

Tetabad sündnuded

• Azamat Musagalijev (sünd. 1984) — mez'-kazahlaine, Venäman akt'or da TV-vedai.

Irdkosketused

• Municipaližen «Kamizäk-lidn»-ühtnikan tobmuden aluzkundoiden oficialine sait (камызяк.com). (ven.)