Avaita pämenü


Liberec (mugažo čehan kelel, virktas [ˈlɪbɛrɛts]), edel 1945 vot mugažo Raihenberg (saks.: Reichenberg), om videnz' surtte lidn Čehanmas. Se om Liberecan randan administrativine keskuz da kaikiš suremb lidn.

Liberec
 Lidnanznam
Znak Liberec.svg
 Flag
Flag of Liberec.svg
Valdkund Čehanma
Eläjiden lugu (2017) 103 853 ristitud
Pind 106,09 km²
Liberec
Pämez' Jaroslav Zamečnik (kül'mku 2 018—)
Telefonkod +420
Avtokod L
Aigvö tal'vel UTC+1 
kezal UTC+2

Südäiolend

IstoriiRedaktiruida

Eländpunkt mainitase dokumentoiš ezmäižen kerdan kuti Reychinberch lidnan statusanke vl 1352. Ezmäine tekstil'edheotand oli sätud vl 1579. 19.-20. voz'sadal lidn oli saksalaižiden Sudetan regionan pälidnaks. Jäl'ges Toižen mail'man sodan lopud (1945. voz') deportiruihe saksalaižid Germanijha. Äi istorižid pertid om kaičenus lidnas.

Liberec šingotase tekstil'tegimišton keskuseks.

Geografijan andmusedRedaktiruida

Lidn sijadase valdkundan pohjoižes, Sudetan mägiden Jizer-mägisel'gan pautkidenno, 325..1012 m korktusil, 374 m keskmäižel korktusel valdmeren pindan päl. Om läz 110 km matkad Praghasai avtotedme suvipäivlaskmha vai 91 km orhal. Matkad Pol'šanman röunhasai om 6 km pohjoižhe, Saksanman röun sijadase 12 km lodeheze lidnaspäi.

Klimat om ven. Voden keskmäine lämuz om +7,2 C°. Paneb sadegid 803 mm vodes.

EläjadRedaktiruida

Vn 2011 Čehanman rahvahanlugemižen mödhe eläjiden lugu oli 102 247 ristitud. Tehnine universitet om lidnas, zavodiše kolledžaks vl 1953.

Lidnan edeline pämez' oli Tibor Battjani (čeh.: Tibor Batthyány) vll 2014−2018.

TransportRedaktiruida

Avtobusad, tramvaid, ezilidnelektrojonused, funikulör da taksid oma kundaližtransportaks lidnas da sen ümbrištos. Päraudtestancii sijadase lidnan keskuses.

IrdkosketusedRedaktiruida