Kataisk (ven.: Катайск) om Venäman lidn da lidnankund Kurganan agjan lodehes. Se om Kataiskan rajonan administrativine keskuz.

Kataisk
Катайск
Lidnanznam
Coat of Arms of Kataysk (Kurgan oblast).png
Valdkund Venäma
Eläjiden lugu (2021) 12,341 ristitud
Pind 24 km²
Kataisk Катайск
Pämez' Sabiržan Musalämov
(uhoku 2019—)
Telefonkod +7−35 251-xx-xxx
Avtokod 45
Aigvö UTC+5 (MSK+2)

IstoriiRedigeeri

Eländpunktan aluz om pandud kozakoil vl 1655 kuti Katain lidnuz (ven.: Катайский острог), baškiralaižiden heimoiden karakatajalaižed-ühtištusen (bašk.: Ҡатай) nimen mödhe. Lidnuz kaiči torguindted Tobol'skaspäi Moskvha. Alištui kalaidajiden heimoiden londoile, i vodele 1695 lidnuz oli saudud jo koumanden kerdan. Sid' nimitihe Kataiskai slabadaks. 19. voz'sadal Kataiskoje-žilo oli villän torguindan järedaks keskuseks. Vll 1911−1913 raudte läbiti žilod. Vn 1944 12. päiväl uhokud žilo sai lidnan statusad Troickoje-žilon, Korablövo-, Odino- i Savino-küliden mülütandanke.

Kataisk šingotase erazvuiččiden pompiden tegimel i maidtegimel.

Geografijan andmusedRedigeeri

Lidn sijadase Iset'-jogen hural randal (Tobolan hura ližajogi) Kataik-jogen (ven.: Катайка) lanktendan sijas, 100 m ü.m.t. keskmäižel korktusel. Matkad Kurganhasai om 195 km suvipäivnouzmha orhal, 219 km avtol vai raudtedme. Lähembaine lidn om Dalmatovo 25 km päivnouzmha kaikil teil.

Kataisk om lidnankundan üks'jäine eländpunkt. Lidnankundan pind — 145,5 km².

EläjadRedigeeri

Vn 2010 Venäman rahvahanlugemižen mödhe eläjiden lugu oli 14 003 ristitud, rajonan koume videndest. Kaikiš suremb lidnan ristitišt oli 15..16 tuh. eläjid vll 1979−2006 (16 789 rist. vl 1989).

Ortodoksižen hristanuskondan Jumalanmaman «Kaikiden gorähižiden ihastuz»-jumalaižen puine pühäpert' om avaitud vl 2010.

Kataiskan professionaliž-pedagogine tehnikum[1] om professionaližen opendusen aluzkundaks.

Edeline lidnan pämez' om Valerii Černih (tal'vku 2013 — uhoku 2019).

GalereiRedigeeri

HomaičendadRedigeeri

  1. Kataiskan professionaliž-pedagogižen tehnikuman sait (кппт.рф). (ven.)

IrdkosketusedRedigeeri



Kurganan agjan lidnad
Dalmatovo | Kataisk | Kurgan | Kurtamiš | Makušino | Petuhovo | Šadrinsk | Ščučje | Šumih