Šumih (ven.: Шуми́ха) om Venäman lidn da lidnankund Kurganan agjan päivlaskmas. Se om Šumihan rajonan administrativine keskuz.

Šumih
Шумиха
 Lidnanznam
 Flag
Valdkund Venäma
Eläjiden lugu (2021) 17,141 ristitud
Pind 28,16 km²
Šumih Шумиха
Pämez' Anatolii Kozlov
(kül'mku 2010—)
Telefonkod +7−35 245-xx-xxx
Avtokod 45
Aigvö UTC+5 (MSK+2)

Istorii vajehta

Eländpunktan aluz om pandud Transsiban raudtestancijaks vl 1892. Kätihe žilod stancijanno lidnaks vl 1944.

Šumih šingotase torvenarmaturan edheotandal i raudtelibutimiden tegimel, sömtegimištol (maidedheotandad, leibän i paštatesen pästand, villänelevator i kombisömän tehmine), mebel'fabrik radab, mugažo uranan samižen edheotand baziruiše lidnas.

Geografijan andmused vajehta

Lidn sijadase Uralantagaižes, 170 m ü.m.t. keskmäižel korktusel. Matkad Kurganhasai om 131 km päivnouzmha orhal, 146 km avtol vai raudtel. Lähembaine lidn om Ščučje 34 km päivlaskmha orhal, 39 km «Irtiš»-avtotrassadme (R-254) vai Transsib-raudtedme. Trass om saudud 2 kilometras lidnan pohjoižröunaspäi.

Šumih om lidnankundan üks'jäine eländpunkt.

Eläjad vajehta

Vn 2010 Venäman rahvahanlugemižen mödhe eläjiden lugu oli 17 819 ristitud, rajonan kaks' koumandest. Kaikiš suremb lidnan ristitišt oli 20..21 tuh. eläjid vll 1967−2001 (21 984 rist. vl 1989).

Šumihan agrariž-sauvondkolledž[1] om professionaližen opendusen aluzkundaks.

Galerei vajehta

Homaičendad vajehta

  1. Šumihan agrariž-sauvondkolledžan sait (шаск.рф). (ven.)

Irdkosketused vajehta



Kurganan agjan lidnad
Dalmatovo | Kataisk | Kurgan | Kurtamiš | Makušino | Petuhovo | Šadrinsk | Ščučje | Šumih