Kangasal

Kangasal (suom. i roč.: Kangasala; suomen virkand: [ˈkɑŋŋɑsˌʔɑlɑ]) om Suomenman lidn da lidnankund valdkundan suvipäivlaskmas. Mülüb Pirkanma-agjaha, Tamperehen päivnouzmaine ezilidn, agjan nellänz' lidn eläjiden lugun mödhe kaks'toštkümnespäi. Valdkundan 35nz' lidnankund eläjiden lugun mödhe.

Kangasal
Kangasala (suom. i roč.)

Lidnanznam
Valdkund	Suomenma
Eläjiden lugu (2020-01-01)	31,897 ristitud
Pind	870,86 km²
Pämez'	Oskari Auvinen (reduku 2013—)
Telefonkod	+358-
Aigvö	tal'vel UTC+2, kezal UTC+3

Istorii

Čudonsädajad purtked oma kävutandas nügüdläižen lidnan tahondoiš 18. voz'sadaspäi. Eländpunktan aluz om pandud vl 1865. Vspäi 2005 Sahalahti-kund om ühtištadud Kangasalanke, vspäi 2011 — Kuhmalahti-kund. Municipalitet sai lidnan statusad vl 2018.

Kangasal šingotase londuseližel turizmal (čomad romantižed landšaftad järviden saridenke) i kurortaks, Tamperehen magaduzrajonaks, mugažo betonantegim radab lidnas. Avtoiden kaks' muzejad, muzikfestivalid.

Geografijan andmused

Lidn sijadase agjan suves, kundan päivlaskmas, Vesijärven suvipäivlaskmaižel randal. Toine znamasine järv om Kirkkojärvi lidnan suves. Agjan Tampereh-keskuz levitase ani päivlaskmha Kangasalaspäi, matkad Tamperehen keskushesai om 18 km päivlaskmha-lodeheze avtotedme. Rahvahidenkeskeine soda- da civiline Tampereh-Pirkkalan lendimport (TMP, 222 tuh. passažiroid vl 2019) radab 25 km päivlaskmha Kangasalaspäi. Matkad Hel'sinkihesai om 152 km suvhe-suvipäivnouzmha orhal vai 164 km avtotedme. Toine lähembaine lidn om Orivezi 28 km pohjoižpäivnouzmha orhal vai 35 km avtotedme.

Vl 2020 lidnankundan ühthine pind — 870,86 km², sidä kesken kuivma 658,07 km², vezi da sokaz ma otiba 212,79 nellikkilometrad.

Eläjad

Vl 1805 kaik 3 853 ristitud elihe nügüdläižen kundan territorijal. Vl 1996 Kangasalan eläjiden lugu oli 21 714 ristitud, vl 2010 — 28 466 ristitud. Kaikiš suremb ristitišt om nügüd'.

Mamankelen mödhe (2016): suomen kel' — 97,7%, ročin kel' — 0,2%, toižed keled — 2,1%.

Edeline lidnan pämez' om Jukka Mäkelä (1991−2013).

Galerei

• 
  Kangasala-talo om kul'turkeskuz i Lidnan Nevondkundan ištundoiden sija
• 
  Kangasalan jumalanpert'
  (vn 2014 nägu)
• 
  Lidnan päkirjišt
• 
  Vehoniemi-avtomuzei

Irdkosketused

• Lidnankundan tobmuden sait (kangasala.fi). (suom.) (angl.)
• Lidnan azjaline sait (businesskangasala.fi). (suom.)