Galatin

Galatin (ital.: Galatina, sijaline pagin San Pietru «Pühä Petr», grek.: Ας Πέτρο As Pètro) om lidn da kund (kommun) Italijan suvipäivnouzmas. Se mülüb Apulii-agjan Lečče-provincijha.

Galatin
Galatina

Valdkund	Italii
Eläjiden lugu (2022)	25,780 ristitud
Pind	82,65 km²
Pämez'	Fabio Vergine (kezaku 2022—)
Telefonkod	+39-(0)836
Aigvö	tal'vel UTC+1, kezal UTC+2

Istorii

Eländpunkt mainitase ezmäižen kerdan vn 1178 notarialižes aktas, siš Sankti Petrin fermeran pert' om kirjutadud. Grafad i gercogad (vspäi 1485) valdoičiba San-Pjetro-in-Galatina-eländpunktal hätken aigan. Nimitihe nügüdläižikš vn 1861 Italijan ühtištusen jäl'ghe. Galatin-raudtestancii radab vspäi 1884.

Galatin šingotase metallan ümbriradmižel, torguindal (jarmank), käzitöiden edheotandoil (keramik, poimetišed, kudondad), savičun i sauvondapakuden tegimel. Cementtegim i statižiden invertoriden tegim ratas lidnanno. Ühtenzoitai Grekanmanke vedenalaine kabel' zavodiše siš. Galatin-sodalendimport om kümnes kilometras lidnaspäi. Ümbärdajan territorijan šingotez baziruiše maižandusel (olivanvoi, vin, fruktad i maplodud).

Geografijan andmused

Lidn sijadase 75 m ü.m.t. keskmäižel korktusel, läz Keskmeren randištod. Matkad provincijan Lečče-keskushesai om 21 km pohjoižhe avtotedme (kaks' manted) vai raudtedme.

Klimat om Keskmeren. Voden keskmäine lämuz +16,3 C°. Paneb sadegid 627 mm vodes, oleskeleb niid vähemba semendkus-elokus (14..29 mm kus), enamba redukus-vilukus (80..109 mm kus).

Eläjad

Vl 1991 kundan eläjiden lugu oli kaikiš suremb, rahvahanlugemine fiksirui 29 296 ristitud. Vl 2016 kundan ristitišt oli 27 109 eläjad.

Edeližed kundan pämehed oma Kozimo Montanja (keväz'ku 2012 — eloku 2016, Cosimo Montagna), Marcello Amante (kezaku 2017 — kezaku 2022).

Irdkosketused

• Lidnan oficialine sait (comune.galatina.le.it). (ital.)