Asan

Asan (kor.: 아산시 / 牙山市 Asan-si [a.san]) om Korejan Tazovaldkundan lidn Čhunčhon Namdo-agjas.

Asan
아산시 / 牙山市
(Asan-si)

Flag
Valdkund	Korejan Tazovaldkund
Eläjiden lugu (2013)	287,073 ristitud
Pind	542,25 km²
Telefonkod	+82−41
Aigvö	UTC+9

Istorii

Eländpunkt oli makundan lidnudeks 19. voz'sadal. Kätihe makundan keskuseks vl 1914. Sai lidnan statusad vl 1995.

Asan šingotase 14 tegimištkompleksal, niiden kesken avtopaloiden (Hyundai Motors) da elektronikan komponentoiden (Samsung Electronics) tehmižel. Meriport radab lähižes Phönthek-lidnas.

Geografijan andmused

Lidn sijadase valdkundan päivlaskmas, agjan pohjoižes, Kokköčhon-jogen randoil. Se jogi augotase lidnan päivnouzmaižiden mägiden pautkil i jokseb päivlaskmha, sädab avarod alangištod Kvandoksan- (suves) i Jonjisan- (pohjoižes) mägiden keskes. Lidnan pohjoine pala om tazomb relätivižešti, kukhikaz.

Klimat om mussonine, paneb sadegid 1300 mm vodes, enamba vihmsezonas (kezaku-sügüz'ku). Voden keskmäine lämuz päiväl om +16,3 C°, vilukun +1 C°, kezakun-elokun +27..+29 C°.

Eläjad

Vl 2013 lidnan eläjiden lugu oli 287 073 ristitud.

Nell' universitetad oma lidnas: Hoseo, Seonam, Sunčunhjan, Sun Mun, mugažo Asanan informacijan da tehnologijan politehnine kolledž.

Sebruzlidnad

• AÜV Lansing, Mičigan, AÜV (vspäi 2006)
• Mad'jaranma Miškol'c, Mad'jaranma (2011)
• Mvanz, Tanzanii (2007)
• AÜV Tailer, Tehas, AÜV (2007)

Irdkosketused

• Lidnan tobmuden oficialine sait (asan.go.kr). (kor.) (angl.) (jap.) (kit.)