Avaita pämenü


Čuncin (kit.: 重庆, pin'jin': Chóngqìng [ʈʂʰǔŋ tɕʰîŋ], sana sanha «kaks'kerdaine üläihastuz») om keskuzalištusen lidn (administrativine ümbrik) Kitaiš, kaikiš järedamb pindan mödhe nellän mugoižen keskes.

Čuncin
重庆市
(Chóngqìng Shì)
Valdkund Kitai
Eläjiden lugu (2015) 30 165 500 ristitud
Pind 82 403 km²
Čuncin 重庆市 (Chóngqìng Shì)
Pämez' Tan Länčži (唐良智)
(viluku 2 018—)
Telefonkod +86-23
Aigvö UTC+8

Se om Kitain metallurgijan, avtotegimišton i himižen tegimišton järed keskuz, tedoline keskuz (enamba 1000 tedoinstitutoid i 25 üläopendusen aluzkundad).

IstoriiRedaktiruida

Eländpunktan aluz om pandud 316 vodel edel m.e. kuti Czänčžou (kit. 江州) — Ba-valdkundan uz' pälidn. Vl 1189 sidä nimitihe nügüdläižikš.

Vspäi 1891 joudai port oli Čuncinas, se abuti lidnale ühtenzoitta Kitain suvipäivlaskmad i Janczi-joginiškoid mail'manke.

Eländpunkt om olmas oficialiženke lidnan statusanke vspäi 1937. Čuncin oli Kitain keskuzalištusen lidnaks vozil 1939−1954 i om vspäi 1997. Vozil 1954−1997 lidn mülüi Sičuan'-agjaha.

Vozil 1937−1945 Čuncin oli valdkundan pordaigaližeks pälidnaks Nankinan okkupacijan tagut, ohjastuz sijazihe siš Čan Kaišinke ühtes.

Vn 1949 2. päiväl sügüz'kud sur' lämoipalo tegihe lidnas (10 tuhad ristituid pölištuiba, pol'lidnad paloi).

Geografijan andmusedRedaktiruida

Lidn sijadase Kitain keskuses, 80 jogen randoil. Hura Czälinczän-ližajogi lankteb täuz'vezižhe Janczihe lidnan keskuses. Čuncin seižub 243 metrad valdmeren pindan päl keskkorktusel. Reljef om kukhikaz.

Klimat om subtropine. Paneb sadegid 1100 mm vodes. Sumeg laskese lidnrajonihe sada päiväd vodes, redukuspäi sulakuhusai.

Čuncin jagase 38 municipaližhe ühtnikha: 21 rajonad, 13 makundad da 4 avtonomišt makundad. Niiden keskes 9 municipališt ühtnikad lugetas «lidnan päzonaks» oficialitomašti (kit. 主城区 čžučencüi) vai Keskuzčuncinaks. Municipaližed ühtnikad alajagasoiš 1259 lidnha, lidnanterritorijha i alarajonha.

EläjadRedaktiruida

Vl 2010 kaikenaigaižiden eläjiden lugu oli 28 846 170 ristitud.

Vl 2015 lidnrajoniden ristitišt oli 18 384 100 eläjad, pind — 5473 km².

TransportRedaktiruida

Avtobusad, ezilidnoiden raudted da metro oma kundaližeks transportaks. Metro radab vspäi 2005 (vl 2015 4 jonod, 120 stancijad, 201,6 km raudted).

Vs 2014 redukuspäi 31 sildad ühtenzoittas Janczin randoid Čuncin-ümbrikos, niišpäi 12 oma lidnrajoniden territorijal.

Koume päraudtestancijad om lidnas. Koume kiruhraudted i kuz' kiruhavtoted ühtenzoittas Čuncinad toižidenke suridenke lidnoidenke.

Rahvahidenkeskeine civiline «Čuncin Czänbei»-lendimport (CKG) sijadase 21 kilometras pohjoižhe lidnan keskusespäi. Sišpäi tehtas reisid Kitaidme da Azijan äjihe verhiže maihe. Völ kaks' lendimportad oma sauvomas.

HomaičendadRedaktiruida


IrdkosketusedRedaktiruida