Verblüdankarang

Verblüdankarang
Verblüdankarangon Alhagi pseudalhagi-erik küpsidenke pauguidenke Baikonur-lidnan ümbrištos, Kazahstan
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Bobänikoižed (Fabales) Sugukund: Bobanvuiččed (Fabaceae) Heim: Verblüdankarang
Latinankel'ne nimi
Alhági Gagnebin (1755)
Sistematik Vikierikoiš Kuvad Vikiaitas ITIS 26452 NCBI 47036

Verblüdankarang (latin.: Alhagi) om heinäsižiden kazmusiden heim Bobanvuiččed-sugukundaspäi. Elonform om ogakaz pol'penzhaine, harvemb äivozne heinäsine kazmuz.

Kazmusen änik

Leviganduz

Kazvab Päivnouzmaižen Evropan suves, Sibiriš, Keskuzazijas, Kavkazan pautkil.

Navedib kuivid stepid, letetazangištoid i pol'letetazangištoid savikonke da šebnänke. Kazvab pidust' jogiden i kanaliden randoid, pustolänil i kezandmail.

Ümbrikirjutand

Jur' om pit'k 20 metrhasai, sarakoičese süvüdel. Barboikahad seikhed oma pudunuded alapalas, 30..100 sm kortte. Lehtesed oma pit'kačud kogonaižed 1..2 sm pitte, čereduišoiš. Ogahad oma ezibarbad 2..3 sm pitte, kazdas lehtesiden kaimloišpäi.

Kaik om 3..8 änikod kazmusel, ned oma rusttad vai ruskedvauvhad mujul. Änikoičeb semendkuspäi sügüz'tal'vhesai. Plodud küpsnedas heinkuspäi. Nell'-viž sement paugus.

Kävutand

Kaik erikod oma sötmižkazmused, znamasižed letkiš. Hein ottase zell'torhudeks, sidä kesken bakterijanvastaižeks, ottas jurid i ploduid harvemb. Sadas südäivet noriš lehtesišpäi, kuivatas heinäd, tehtas unotest i keitvet. Spravitadas lujad rügišt.

Kogotas sahardunuzid eritusid räkän aigan sömäks («mann») da zelläks Iranas i Afganistanas.

Erikod

Heim kogoneb kudes erikospäi:

• Alhagi canescens — Hahk verblüdankarang
• Alhagi kirghisorum — Kirgizine verblüdankarang
• Alhagi maurorum vai Alhagi graecorum
• Alhagi nepalensis
• Alhagi pseudalhagi — Järgeline verblüdankarang
• Alhagi sparsifolia — Harvlehtesine verblüdankarang