Vauged pulo

Vauktan pulon ižač Reinland-Pfal'c-federacijanmas, Saksanma

Valdkund:	Živatad
Tip:	Sel'gjäntkeižed (Chordata)
Klass:	Lindud (Aves)
Heimkund:	Pulonvuiččed (Strigiformes)
Sugukund:	Pulod (Strigidae)
Heim:	Hübjäd (Bubo)
Erik:	Vauged pulo

Latinankel'ne nimi

Bubo scandiacus (Linnaeus, 1758)

Areal

Pezoitelend Tal'vdund

Sistematik
Vikierikoiš

Kuvad
Vikiaitas

ITIS 686683

NCBI 371907

Vauged pulo (latin.: Bubo scandiacus, sinonim Nyctea scandiaca) om arktine lihansöi lind, erik kaičendan al. Mülütadas Pulod-sugukundan Hübjäd-heimho.

Leviganduz

Lind eläb Kanadas, Aläskas, Grenlandas, Evrazijan pohjoižpalas, tundran i mectundran zonoiš. Tal'vdund vedase keväz'kuhu-sulakuhusai.

Kalaidaškandeb suvhe sügüz'kus-redukus, erased eričud tal'vdudas pohjoižes ku jä i lumikate oma hoikad.

Ümbrikirjutand

Vauged pulo om kaikiš järedamb lind tundras Pulonvuiččed-heimkundaspäi. Ižačun hibj sase 55..65 sanimetrhasai pitte i 2..2,5 kg vedutte, emäčun 70 sm i koumhe kilogrammhasai. Täuz'kaznuden hibjan suugiden maihutuzkeskust om 142..166 sm keskmäras.

Lindun pä om kehker, sil'män hel'pken muju om loštab pakuine. Höunhišt om vauged pimedoidenke poikpoližidenke kirjoidenke, om vähemba niid ižačuil. Mugoi muju abutab vauktale pulole kadoda nägemižespäi lumel. Lindunpoigaižiden höunhišt om koričma. Must n'ok om kattud höunhil-suugasil läz nüguhusai. Käpšuiden höunhišt om sanktan karvan pojav.

Sömine

Sötlese hirenvuiččil nühtajil, ezikät lemmingoil, üks' vauged pulo söb enamba pol'tošt tuhad lemmingoid vodes. Taboiteleb mugažo jänišid, henoid lihansöjid (por'moi), linduid (meckanoid, hanhid, sorzoid), söb kalad-ki, i habukan sömäd.

Homaičendad

Vauged pulo Vikiaitas