Uz' Devätkino

Uz' Devätkino (ven.: деревня Новое Девяткино, suom.: Uusi Miina) om külä Leningradan agjan Vsevoložskan rajonan päivlaskmas. Mülüb Piterin aglomeracijha sen pohjoižpäivnouzmas.

Uz' Devätkino
Новое Девяткино

Lidnanznam	Flag
Valdkund	Venäma
Eläjiden lugu (2021)	21,783 ristitud
Pind	5,77 km²
Pämez'	Dmitrii Maiorov (2006—)
Telefonkod	+7−81 370-xx-xxx. +7−812-xxx-xxxx
Avtokod	47
Aigvö	UTC+3 (MSK+0)

Uz' Devätkino (2010, semendku)

Külä om Uden Devätkinon küläkundan administrativine keskuz i üks'jäine eländpunkt.

Istorii

Nügüdläižen eländpunktan aluz om pandud vl 1888 sirtud eläjil-inkeriläižil lähižes Devätkino-küläspäi.

Uz' Devätkino šingotaškanzihe Leningradan metalližen tegimen «Turboatomgaz»-tegimištlavudel, se om saudud i radab vspäi 1977. Toižed järedad edheotandad oma Pohjoine LEK i murdonümbriradai tegim. Äi eläjid ratas Piteriš.

Geografijan andmused

Külä sijadase ani pohjoižhe Piter-regionaspäi. Matkad rajonan Vsevoložsk-keskushesai om 10 km päivnouzmha-suvipäivnouzmha orhal vai 21 km avtotedme. Toine lähembaine lidn om Murino ani suvipäivnouzmha.

Koumetoštkümne nimitadud irdad i nell' kujod om küläs. Devätkino-metrostancii om nimitadud Uden Devätkinon mödhe, stancii sijadase lähižes Murino-lidnas.

Eläjad

Külän eziauguižed eläjad oliba deportiruidud vl 1942.

Vl 2010 külän eläjiden lugu oli 10 978 ristitud. Kaik 19 603 ristitud elihe küläs vl 2019. Nece om kaikiš suremb külähine eländpunkt Leningradan agjas. Kaikiš suremb ristitišt om nügüd'.

Irdkosketused

• Uden Devätkinon küläkundan oficialine sait (novoedevyatkino.ru). (ven.)