Usman'

Usman'
Усмань
Lidnanznam;	Flag;
Valdkund	Venäma
Eläjiden lugu (2021)	19,662 ristitud
Pind	12,66 km²
Pämez'	Maksim Čebotarev; (keväz'ku 2024—)
Telefonkod	+7−47 472-xx-xxx
Avtokod	48
Aigvö	UTC+3 (MSK+0)

Usman' (ven.: У́смань) om Venäman lidn da lidnankund Lipeckan agjan suves. Se om Usmanin rajonan administrativine keskuz.

Istorii

Eländpunktan aluz om pandud vl 1645 kuti puine lidnuz makundan lidnan statusanke. Lidnuz oli tarbhaine i oli udessündutadud vl 1684, vaiše rova i pudotez jäiba sišpäi 1780-nzil vozil. Torgovanoiden istorine pertišt om kaičenus hüvin.

Usman' šingotase valamižmašiništon tegimel, tabakfabrikal, sömtegimištol (leibänkombinat), mugažo mebel'- i omblendfabrikad ratas lidnas.

Geografijan andmused

Lidn sijadase rajonan suves, ühtennimižen jogen randal (ven.: У́смань 151 km pitte, Donan hurapol'ne bassein), 140 m ü.m.t. keskmäižel korktusel.

Matkad Voronežan agjhasai om 15 km suvhe i päivlaskmha orhal. Matkad Lipeckhasai om 62 km pohjoižhe orhal, 74 km avtotel vai 70 km raudtel. Toižed lähembaižed lidnad oma Voronež (Voronežan agj) 55 km suvipäivlaskmha orhal, 72 km avtotedme vai 61 km raudtedme, Zadonsk 67 km lodeheze orhal vai 84 km avtotedme, i Gräzi 52 km pohjoižhe orhal, 58 km avtol vai 53 km raudtel. Usman'-raudtestancii radab lidnas «Gräzi — Voronež»-keskustal vspäi 1868.

Tobmuz

Usman' om lidnankundan üks'jäižeks eländpunktaks. Lidnankundan pind — 12,66 km².

Lidnankundan tobmuden pämez' om sen Administracijan pämez'. Edeližed lidnan Administracijan pämehed oma Denis Vasil'čenko (keväz'ku 2019 — keväz'ku 2024), Aleksei Bokarev (kül'mku 2015 — keväz'ku 2019). Lidnan Deputatoiden nevondkundan ezimez' om Galina Kitaeva vspäi 2020. Edeližed nevondkundan ezimehed oma Sergei Malii (Сергей Малый, 2005−2015 i 2018−2020), Svetlana Ternovih (2015−2018).

Eläjad

Vl 1897 lidnan ristitišt oli kümne tuhad eläjid, vl 1931 — 13 600 eläjad. Vn 2010 Venäman rahvahanlugemižen mödhe lidnan eläjiden lugu oli 18 685 ristitud, rajonan kaks' videndest, vn 2021 — 19 662 ristitud. Kaik 19 958 eläjad oli lidnas vl 2017. Kaikiš suremb lidnan ristitišt oli 20..21 tuhad eläjid vll 1970−2003 (21 tuh. rist. vl 1992).

Rahvahad (2010): venälaižed — 98,2 %, toižed rahvahad — 1,8 %.

Ortodoksižen hristanuskondan koume pühäpertid^[1] oma kaičenus i saudud lidnas: Jumalannägundan päjumalanpert' (om udessündutadud vll 2000−2015), Jumalanmaman Emäganpäivän jumalanpert' (om saudud tošti vll 1905−1907, enččen Ph. Sofijan naižjumalankodin pala) i ph. Mikulai-čudonsädajan jumalanpert' (om saudud vozil 2016−2020). Niiden ližaks kaks' jumalanpertid ei ole kaičenus.

Lapsiden opendusen aluzkundad oma seičeme nimitadud päivkodid, licei (nomer 1), koume keskškolad (nomer 2, 3 i 4), čomamahtoiden škol, lapsiden da norišton sportškol. Usmanin äiprofil'ne kolledž^[2] i Usmanin tegimištoliž-tehnologine kolledž^[3] oma lidnan professionaližen opendusen aluzkundoikš.

Galerei

Rindazznam vn 1781 versijan lidnanznamanke
Jumalanmaman Emäganpäivän jumalanpert', vn 2010 nägu
Lidnan äiprofil'ne kolledž (2015), realižen školan istorine pert'
Usman'-raudtestancii vl 2020

Homaičendad

Irdkosketused

Usman' Vikiaitas

	Lipeckan agjan lidnad
	Čapligin \| Dankov \| Gräzi \| Jelec \| Lebedän' \| Lipeck \| Zadonsk \| Usman'

[1] Usmanin pühäpertid sobory.ru-saital. (ven.)

[2] Usmanin äiprofil'žen kolledžan sait (усманьколледж.рф). (ven.)

[3] Usmanin tegimištoliž-tehnologižen kolledžan sait (usmcollege.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	19,662 ristitud
Pind	12,66 km²

Pämez'	Maksim Čebotarev (keväz'ku 2024—)
Telefonkod	+7−47 472-xx-xxx
Avtokod	48
Aigvö	UTC+3 (MSK+0)