Uppsal
Uppsal (roč.: Uppsala [ɵpˈsɑːla] «Üläkodi») om Ročinman universitetine lidn valdkundan suvipäivnouzmas. Se om Uppsalan agjan administrativine keskuz, Ročinman nellänz' lidn eläjiden lugun mödhe.
Lidnanznam
| |
| Valdkund | Ročinma |
| Eläjiden lugu (2020) | 166,698 ristitud |
| Pind | 43,23 km² |
| |
| Telefonkod | +46-(0)18 |
| Aigvö | tal'vel UTC+1, kezal UTC+2 |
Istorii vajehta
Eländpunktan aluz om pandud 5. voz'sadal meiden erad. Vanh Uppsal paloi vl 1245, i nimitihe Estra-Aros-eländpunktad Uppsalaks vides kilometras suvhe. Kaikiš amuižemb valdkundas Uppsalan universitet zavodi radod vl 1477.
Uppsal šingotase zelliden (Pfizer) i medicinižiden ladimiden (Fresenius) pästandal, kofen pakuitesel, medicinižil tedoidusil.
Geografijan andmused vajehta
Lidn sijadase Füris-jogen randoil, 15 m ü.m.t. keskmäižel korktusel. Matkad Stokhol'mhasai om 70 km suvhe. Stokhol'm-Arland-lendimport om 35 km suvipäivnouzmha.
Klimat om ven. Voden keskmäine lämuz om +7,1 C°, heinkun-elokun +17..+18 C°, tal'vkun-uhokun −1..−2 C°. Ekstremumad oma −39 C° i +37 C°. Voib panda halad kaiken kezan aigan. Paneb sadegid 565 mm vodes, enamba elokus (74 mm), vähemba vilukus-semendkus (29..39 mm kus).
Eläjad vajehta
Vl 2010 lidnan eläjiden lugu oli 140 454 ristitud 48,77 km² pindal. Kaikiš suremb ristitišt om nügüd', agjan kaks' koumandest. Äi eläjid ajeltas radmaha Stokhol'mas.
Lidn om lüteranižen Ročinman jumalankodikundan keskuseks. Lüteranine üläškol, katoline Njumen-institut, vižkümnenden päivän jumalankodikundan seminarii i «Elon sana»-universitet ratas lidnas. Üläopendusen kudenz' aluzkund om Ročinman maižanduzuniversitet (SLU).
Homaičendad vajehta
Irdkosketused vajehta
- Lidnan da sen kommunan oficialine sait (uppsala.se). (roč.) (suom.) (+ erased lehtpoled toižil kelil)
| Uppsal Vikiaitas |