Venälaižen Federacijan randad

Rand (ven.: край) om Venäman ezmäižen (ülembaižen) tazopindan üks' administrativižiš ühtnikoišpäi.

Venälaižes Federacijas kaik om ühesa randad. Nimittušt erinendad agjoidenke ei ole ni ühthižes Konstitucijas, ni käskusištos, nimitused «rand»-sananke sünduiba istorižikš, no randoiden municipaline jagand mülütab ühtnikoid eriliženke statusanke — enččid avtonomižid agjoid.

Venäman randad da niiden pälidnad:

1. Altajan rand (Barnaul)

2. Kamčatkan rand (Petropavlovsk Kamčatkal) — om sätud vn 2007 heinkun 1. päiväl

3. Habarovskan rand (Habarovsk)

4. Krasnodaran rand (Krasnodar)

5. Krasnojarskan rand (Krasnojarsk) — röunad oma vajehtadud vn 2007 vilukun 1. päiväl ühtištusen jäl'ghe Taimiran i Evenkijan avtonomižidenke ümbrikoidenke

6. Permin rand (Perm') — om sätud vn 2005 tal'vkun 1. päiväl

7. Merenrandaline rand (Vladivostok)

8. Stavropolin rand (Stavropol')

9. Baikalantagaine rand (Čit) — om sätud vn 2008 keväz'kun 1. päiväl