Petropavlovsk

Petropavlovsk (kaz.: Петропавл, ven.: Петропавловск) om Kazahstanan lidn valdkundan pohjoižes. Se om Pohjoižkazahstanan agjan administrativine keskuz (vspäi 1936).

Petropavlovsk
Петропавл

Lidnanznam
Valdkund	Kazahstan
Eläjiden lugu (2017)	216,406 ristitud
Pind	221,6 km²
Pämez'	Marat Tasmaganbetov (2014—)
Telefonkod	+7−7152-xxx-xxx
Aigvö	UTC+6

Istorii

Eländpunktan aluz om pandud vl 1752 kuti Ph. Petran lidnuz. Sai lidnan statusad vl 1807, nimitihe nügüdläižikš da mülütihe Tobol'skan gubernijha. Vll 1919−1921 Petropavlovsk mülüi Venäman NFST:n Omskan gubernijha. Vspäi 1921 lidn om Kazahstanan palaks.

Geografijan andmused

Lidn sijadase Išim-jogen oiktal randal (kaz.: Есіл, Irtišan hura ližajogi), 140 m keskmäižel korktusel valdmeren pindan päl. Om mecoid da penid järvid ezilidnas. Matkad Nur-Sultanhasai om 428 km suvhe.

Klimat om terav kontinentaline. Paneb sadegid 378 mm vodes, enamba kezaaigan (150 mm).

Eläjad

Vn 2012 Kazahstanan rahvahanlugemižen mödhe lidnan ristitišt oli 205 tuh. eläjid. Kaikiš suremb oli 247 400 eläjad vl 1991.

Rahvahad (enamba 1% vl 2014, ozutadud rahvahudenke): venänikad — 63,7%, kazahlaižed — 25,9%, totarlaižed — 3,2%, ukrainalaižed — 2,2%, saksalaižed — 1,7%, toižed rahvahad — 3,3%.

Transport

Avtobusad oma kundaližeks transportaks lidnas. Vl 1896 saudihe Transsib-raudted ühtennimiženke stancijanke läz lidnad. Päličmänendtaho Venäman röunal sijadase 40 km pohjoižhe.

Irdkosketused

• Petropavlovsk-lidnan akimatan sait (petropavl.sko.kz). (kazah.) (ven.)