Paltog

Paltog (ven.: Па́лтога) om külä Vologdan agjan Vitegran rajonas. Se mülüb Šuštan küläkundha, oli Kazakovon küläkundan administrativižeks keskuseks vn 2016 kül'mkuhusai.

Paltog
Палтога

Valdkund	Venäma
Eläjiden lugu (2010)	261 ristitud
Pind	4 km²
Telefonkod	+7−81 746-xx-xxx
Aigvö	UTC+3

Istorii

Eländpunkt om sätud vn 2001 27. päiväl kezakud 14 külän ühtenzoitusel, sidä kesken mülüti administrativišt Kazakovo-keskust.

Geografijan andmused

Külä sijadase rajonan keskuzpalan päivlaskmas, «Vitegr — Šušt»-avtotekeskustal (R37), Änižen kanalan randal. Megran sel'gan pohjoine agj om küläs. Matkad küläkundan Megr-keskushesai om 20 km suvipäivlaskmha, Vitegr-rajonkeskushesai om 17 km päivnouzmha avtotedme.

Lähembaine eländpunkt om Kürševo nelläs kilometras lodeheze Änižen randal.

Eläjad

Vl 2006 külän eläjiden lugu oli 296 ristitud. Eländpunktas om nenid aluzkundoid: škol, kirjišt, kul'turkodi, počt i kaks' torguinsijad.

Kaks' ortodoksižen hristanuskondan jumalanpertid sijadasoiš Paltogan territorijal: Sündunnägundan jumalanpert' (vspäi 1733, om udessaudud vodele 2019) i kivine Jumalanmaman «Znam»-jumalaižen pühäpert' (om saudud vl 1810, ei ole väges).

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.