Mal'mö (roč.: Malmö) om Ročinman meriport i koumanz' lidn eläjiden lugun mödhe. Se om Skone-agjan administrativine keskuz.

Mal'mö
Malmö
Lidnanznam
Malmö fulla vapen.svg
Valdkund Ročinma
Eläjiden lugu (2017) 333,633 ristitud
Pind 77,06 km²
Mal'mö Malmö
Telefonkod +46-(0)40
Aigvö tal'vel UTC+1,
kezal UTC+2

IstoriiRedigeeri

Eländpunkt mainitase ezmäižen kerdan vl 1275 lidnan statusanke. Hanzan torgovanad sel'dil šingotihe sidä edel ročiž-danižid sodoid.

Mal'mö šingotase järedal jädumatomal meriportal (otab lidnan territorijan pol't), laivansauvomižel, raudbetonan i IKEA-furnituran tehmižel, vezimašiniston (ABS-torguindmark) i meritulleielektroturbinoiden pästandal, himižel industrijal todud portha kivivoil.

Geografijan andmusedRedigeeri

Lidn sijadase Eresunn-sal'men randal, 12 m ü.m.t. keskmäižel korktusel. Se om kaikiš suvemb Ročinman lidn päiči agjan kahtes toižes lidnas (Trelleborg i Istad).

Mal'mö om ühtenzoittud avto- i raudtesildal Kopenhagenanke 19 km pitte, mülüb sen aglomeracijha (4 mln eläjid), ühthine komitet ohjastab molembil lidnoil, üks' kompanii valdoičeb lidnoiden portoil. Rahvahidenkeskeižed lendimportad ratas niiden ümbrištos.

EläjadRedigeeri

Vl 2012 eläjiden lugu oli 318 107 ristitud. Kaikiš suremb lidnan ristitišt om nügüd'. Sen nelländez oma islamanuskojad.

Vspäi 2010 immigrantad ottas ristitištos enamba kaht videndest, hö tulihe sodategendoiden maišpäi (enččen Jugoslavijan mad, Irak, Somali) valdkundaližen järgendusen mödhe, i sirtihe lähižes Danijaspäi, sikš miše Ročinman socialine käskusišt om pehmdamb mi Danijas, sen-žo aigan sadas sihesai om kebn.

IrdkosketusedRedigeeri


  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.