Lahor (urdu: لاھور‎, angl.: Lahore [laːˈhoːr]) om lidn Pakistanan pohjoižpäivnouzmas. Se om valdkundan kahtenz' lidn eläjiden lugun mödhe, Pendžab-štatan administrativine keskuz.

Lahor
لاھور‎ (urdu)
Lahore (angl.)
Valdkund Pakistan
Eläjiden lugu (2017) 11,126,285 ristitud
Pind 1,772 km²
Lahor لاھور‎ (urdu) Lahore (angl.)
Telefonkod +92-(0)42
Aigvö UTC+5

IstoriiRedaktiruida

Eländpunkt mainitase 10. voz'sadaspäi kuti Lavkot («Lav:an lidnuz»). Islaman hengeline keskuz 13. voz'sadaspäi. Vll 1799−1848 oli sikhoiden ripmatoman valdkundan pälidnaks.

Lahor šingotase nenil ižandusen sarakoil: tekstiline, sömtegimišt, himine, metallan ümbriradmine, mašinansauvomine, kinon tehmine (Lollivud). Pakistanan raudteiden päfater om saudud neciš lidnas.

Geografijan andmusedRedaktiruida

Lidn sijadase Ravi-jogen hural randal (Indan hurapol'ne bassein), 217 m ü.m.t. keskmäižel korktusel, läz Indijan röunad. Lähembaine indine lidn om Amritsar.

EläjadRedaktiruida

Vl 2010 eläjiden lugu oli 7 129 629 ristitud, vl 1998 — 5 209 088 ristitud.

Vn 2017 Pakistanan rahvahanlugemižen mödhe eläjiden 97% oma islamanuskojad, 2% — hristanuskojad, 1% — toižed uskojad (induizm, sikhizm).

TransportRedaktiruida

Avtobusad, minibusad, taksid, avto- i motorikšad oma kundaližeks transportaks lidnas. Avtomatižen metropolitenan koume jonod oma sauvomas, ezmäine jono radaškandeb vl 2019.

Rahvahidenkeskeine Allama Ikbal-lendimport (LHE, 5 mln passažiroid 2017−18 finansižel vodel) sijadase lidnan päivnouzmas, avtoümbärten südäimes.

IrdkosketusedRedaktiruida


  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.