Kebnavto

Kebnavto om 2..8 mehen kehette avto, kudamb om märitud passažiroiden i bagažan vedandale. Tarbhaičeb B-kategorjian vedailicenzijad ohjastusen täht. Ku avtos om enamb ištsijid passažiroiden täht, ka se lugese avtobusaks (mikroavtobusaks).

Ezmäine kebnavto om sätud vl 1876.

Ümbrikirjutand

Kebnavtos om nell' (erasti koume) kezrad šinoidenke kahtel värtmudel. Ottud kävutamha poltuz voib olda erazvuitte: benzin, dizel', londuseline vai nozoltadud gaz (metan vai propan-butanan segoituz), vezinik, elektruz, kazmuzvoi, etanol-benzinan segoituz.

Konor'an toižendad oma sedan, hetčbek, universal muite, universal lujetud mülünke, penenijanke katusenke.

Klassifikacii

Erištadas kebnavtoid neniden tundusiden mödhe: tehmižen valdkund, suruded, likutimen mülü, klass, kävutand.

Klassifikacijan ramuded märičesoiš avton olemižen valdkundan käskusištol, eile augotižlibundan valdkundal. Ozutesikš, kebnavton täuz' mass ei voi olda enamba mi 3500 kg Venäman käskusen mödhe, i om röunatud 3904 kg (8600 funtad) AÜV:oiš, ku enamba, ka se om jüguavto i tarbhaičeb C-kategorijan vedailicenzijad.

Mail'man tehmine

Kaik om läz 1 mlrd kebnavtoid om olmas mail'mas. Kebnavtoiden mail'man tehmine oli 91,7 mln vl 2019, kaikiš suremb — 97 mln vl 2017. Koume valdkundad tehtas niiden pol't: Kitai, AÜV, Japonii.

Homaičendad

Kebnavto Vikiaitas

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.