Kütahj (turk.: Kütahya [cyˈtahja]) om lidn Turkanman päivlaskmas. Se om Kütahjan agjan administrativine keskuz.

Kütahj
Kütahya
Valdkund Turkanma
Eläjiden lugu (2018) 266,784 ristitud
Kütahj Kütahya
Telefonkod +90-(0)274
Aigvö UTC+3

IstoriiRedigeeri

Vl 334 EME Aleksandr Makedonijalaine anasti lidnad i nimiti sidä Koteon:aks (grek.: Κοτυάειον). Turkad saiba lidnad vägel 12. voz'sadal. Amuine lidnuz mägenpäl i äiluguižed muštnikad vedadas turistoid lidnha.

Kütahj šingotase keramikan tehmižel amussai (astjad, dekorativine apakut), nahkoiden, sepiolitan i lignitan ümbriradmižel, nitratantegimel, sömtegimištol (sahar, fruktproduktad).

Geografijan andmusedRedigeeri

Lidn otab agjan pohjoižpäivnouzmad palad, sijadase 970 m ü.m.t. keskmäižel korktusel. Matkad Ankarhasai om 300 km päivnouzmha. Lähembaine järed lidn om Eskišehir 70 km pohjoižpäivnouzmha.

Klimat om läm' kontinentaline Keskmeren klimatan röunanno. Keza om kuiv, tal'v om vihmoikaz lumenke erasti. Heinkun-elokun lämuz om +20..+21 C°, vilukun +0,4 C°, voden keskmäine lämuz om +10,8 C°. Paneb sadegid 564 mm vodes, heinkus-sügüz'kus vähemba (14..21 mm kus).

EläjadRedigeeri

Vn 2011 Turkanman rahvahanlugemižen mödhe eläjiden lugu oli 237 804 ristitud. Kaikiš suremb lidnan ristitišt om nügüd', agjan pol'.

Vspäi 1992 Kütahjan Dumlupinaran universitet radab lähižes ezilidnas (ende Anatolijan universitetan filial), läz 50 tuhad üläopenikoid.

HomaičendadRedigeeri


IrdkosketusedRedigeeri