Jumal

Jumal vai Ülähäine i Taivhaline om suren, sakraližen Ülembaižen Olijan nimi teistižiš da deistižiš uskondoiš.

Monoteistižiš religijoiš (hristanuskond, islam, judaizm) Jumal om Absolütan personofikacii, transcendentine ülembaižen realižusen avaiduz, i ližaks Hän om ühthine da üks'jäine, ei ole Hänen pojavid. Om äi jumaloid politeistižiš religijoiš, eriližidenke «funkcijoidenke» i parembuzidenke; no heiden keskes päjumal om olmas (ozutesikš, Jumou vepsän mifologijaspäi; m. k. monolatrii).

Kaiked mail'madme 60..90% täuz'igäšt ristitištod uskotas Jumalha.

Jumalha sidodud vepsän muštatišed

Erased muštatišed oma ottud «Mi meles, se i keles»-kogodusespäi.^[1]

Andoi jumal sun, andab sömäd-ki (supalan-ki).

Hän jumalkodas om rott'ud. (dročejan ristitun polhe)

Jumal ei käske edelpäi teta.

Jumalan bardha em voigoi tabatas.

Jumalata ala mäne nikuna.

Kaite, i Jumal kaičeb.

Kuna Jumal ozuti, sihe koled-ki.

Laud om jumalan kämen'.

Mehed manitad, a Jumalan ed manita.

Mehel om mela kädes, a Jumal venehen veb.

Mez' magadab, a Jumal varjoičeb.

Mez' söb, mez' sab, mehele andab Jumal.

Min Jumal andab, sen Mustikei kandab.

Pästa Jumal paimeta verhid živatoid da kacta verhid lapsid.

Rahvahaspäi voib kaik sijad peitta, a Jumalaspäi ei voi.

Sinun sana da jumalale korvha.

Kacu mugažo

Londuz

Homaičendad

↑ Mi meles, se i keles. Vepsläižed muštatišed (ladii om O. J. Žukova). — Petroskoi: «Periodika», 2018. — 96 lp. — Lp. 38. ISBN 978-5-88170-307-3 (veps.) (ven.)

Jumal Vikiaitas

[1] Mi meles, se i keles. Vepsläižed muštatišed (ladii om O. J. Žukova). — Petroskoi: «Periodika», 2018. — 96 lp. — Lp. 38. ISBN 978-5-88170-307-3 (veps.) (ven.)

[1]