Jumalankäzi
Jumalankäzi
Orchis militaris om Jumalankäzi-heimon tipine erik
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Üksidülehtesižed (Monocotyledoneae)
Kund: Asparagusänikoižed (Asparagales)
Sugukund: Orhidejižed (Orchidaceae)
Heim: Jumalankäzi
Latinankel'ne nimi
Órchis L.


Sistematik
Vikierikoiš


Kuvad
Vikiaitas

ITIS 894598
NCBI 59331

Jumalankäzi (latin.: Orchis) om äivoččiden mugulakahiden heinäsižiden kazmusiden heim. Se om Orhidejižed-sugukundan tipine. Kaik om 21 erikod i 37 erikoidenkeskešt gibridad heimos (vn 2014 kezakun andmused). Luja gibridizacii ozutab, miše erikoiden sädamine jätkustub.

Leviganduz vajehta

Kazdas vilus, venos i subtropižes vöiš. Voib vastata Evropan keskuses da suves, Kavkazan i Kriman mägil, Azijas (Tibet, Mongolii, Sin'czän), Afrikan pohjoižes, erased erikod oma olmas Pohjoižamerikas. Äjad erikod oma kaičendan al.

Jumalankäden erikoiden tobj pala navedib nepsad mahust mouckivenke, lankteb unhe kuivan kezaräkän pordol, kazvab sijil hüvänke päivänvauktusenke (nit, mecanröun, harv mec). Subtropižed erikod oma lämudennavedijad.

Ümbrikirjutand vajehta

Seikh oleleb 10..50 sm kortte. Kaks' mugulad oma jurel. Lehtesed oma levedad lancetanvuiččed, sebaitas seikhed. Penen änikon muju oleskeleb lilaiž-ruskedpakuižen i muzavišnän keskes. Änikuz om tähkanvuitte, 7..9, erasti 15 sm pitte. Änik om verez 7..10 päiväd ku ei olend pölüstoitandad, no ku oli, ka näidub teravas.

Jumalankäzi änikoičeb sulakus-elokus. Äikerdoičese vaiše semnil, no erased erikod voidas äikerdoitas mugažo muguloiden jagundal.

Homaičendad vajehta



  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.