Hernehhein
Hernehhein | ||||||||||||||
---|---|---|---|---|---|---|---|---|---|---|---|---|---|---|
Tedoklassifikacii | ||||||||||||||
|
||||||||||||||
Latinankel'ne nimi | ||||||||||||||
Prunélla vulgáris L., 1753 | ||||||||||||||
|
Hernehhein (latin.: Prunella vulgaris) om äivozne heinäsine kazmuz Lamiaceae-sugukundaspäi, Käbuhein-heimon tipine erik.
LeviganduzRedaktiruida
Kazvab Evropas, Azijas i Pohjoižamerikas venon klimatan zonas, mugažo Afrikan pohjoižes. Invazivine erik Avstralijas.
Navedib nituid, mecoiden vauvhid sijid, penzhištod. Voib löuta jogiden, järviden i soiden randoil. Levigandeb linmail rujoheinäks.
ÜmbrikirjutandRedaktiruida
Täuz'kaznu hernehhein oleskeleb 15..30 santimetrad kortte. Jurišt om ujelii. Lehtesed kazdas paroil.
Ruskedsinižed änikod kazdas lühüdal jaugal, änikuz om tähkanvuitte. Plodud oma munanvuiččed koumetahkoižed pähkmuded.
KävutandRedaktiruida
Kazmuz mülütab C-vitaminad. Rahvahaline medicin kävutab hernehheinäd verenjoksmust i kül'mehtust vaste.
Hernehhein om antioksidant, stimuliruib immunitetad, azotab virusläžundoid i palatuzprocessid. Ottas kävutamižhe sportivižen sömižen palaks bodibildingan aigan.
Ursanan muiktuz i karofillin kačusteldas rakan toižendoiden augud i levitandad.
HomaičendadRedaktiruida
Hernehhein Vikiaitas |