Darhan (mong.: Дархан «sep'») om Mongolijan koumanz' lidn eläjiden lugun mödhe. Se om Darhan-Uul-agjan administrativine keskuz.

Darhan
Дархан
Valdkund Mongolii
Eläjiden lugu (2017) 83,883 ristitud
Pind 103 km²
Darhan Дархан
Telefonkod +976-(0)137
Aigvö UTC+8

Istorii vajehta

Eländpunktan aluz om pandud vl 1961 kuti sauvondmaterialiden pästandan keskuz i industrijan uz' sijaduz. Pol'šan radnikad abutiba sauda punümbriradajan, savičun i mouckiven tegimid. Darhanan LEK om saudud vl 1966 (48 MVt).

Darhan šingotase raudan metallurgijan tegimel (om saudud vodele 1990) sijaližel torhudel i sömtegimištol: lihakombinat, jauhfabrik, konditerine fabrik, alkogoližiden i alkogolitomiden jomiden kombinat. Lidn om ümbärtud maižanduzrajonal.

Geografijan andmused vajehta

Lidn sijadase valdkundan pohjoižes, Transmongoližel raudtel, 665 m ü.m.t. keskmäižel korktusel. Ühtenzoitase raudtesarakol Šaringol-lidnan hilen kaivuzidenke. Matkad Ulanbatar-pälidnhasai om 188 km suvhe orhal vai 226 km avtotedme.

Klimat om ven kontinentaline kuiv. Voden keskmäine lämuz om −0,6 C° vilun tal'ven tagut, tal'vkun-uhokun kesklämuz om −21..−24 C°, kezakun-elokun +18..+20 C°. Paneb 284 mm sadegid vodes, enamba pol't kezakus-elokus (52..67 mm kus), kuivaig oleskeleb kül'mkus-sulakus (3..10 mm kus).

Eläjad vajehta

Vl 2010 eläjiden lugu oli 74 738 ristitud, agjan viž kudendest. Kaikiš suremb ristitišt om nügüd'.

Valdkundan kahtenz' znamoičendal openduzkeskuz, kümne professionaližen opendusen aluzkundad i maižandusen tedoinstitut ratas lidnas. Mongolijan tedon da tehnologijoiden universitetan (Ulanbatar) üks' kampusoišpäi om avaitud lidnas.

Homaičendad vajehta


Irdkosketused vajehta