Babuškin (Burätii)

Babuškin (ven.: Бабушкин, burät.: Баабушкин хото) om Venäman lidn da lidnankund Burätijan Tazovaldkundan keskuzpalan päivlaskmas. Mülüb Kabanskan rajonha, sen üks'jäine lidn.

Babuškin
Бабушкин (ven.)
Баабушкин хото (bur.)

Lidnanznam
Valdkund	Venäma
Eläjiden lugu (2021)	4,385 ristitud
Pind	9 km²
Pämez'	Leonid Seliverstov (reduku 2018—)
Telefonkod	+7−30 138-xx-xxx
Avtokod	03
Aigvö	UTC+8 (MSK+5)

Istorii

Eländpunktan aluz om pandud vl 1760 kuti Posol'skii-jumalankodin Misovskii-žilo. Se sai lidnan statusad vl 1902, nimitihe Misovsk. Vll 1925−1941 oli radnikžiloks, vspäi 1927 mülüb Burätijha. Vn 1941 18. päiväl vilukud sai lidnan statusad tošti udenke nimenke Ivan Babuškin-revolücioneran oiktastuseks (amptihe täs vl 1906).

Babuškin-lidn šingotase rel'soiden ühthekeitandtegimel.

Geografijan andmused

Lidn sijadase Baikalan suvirandal, 470 m ü.m.t. keskmäižel korktusel (13 m Baikalan pindan korktemb). Pen' Misovk-jogi läbitab lidnad. Matkad Kabansk-žilo-rajonkeskushesai om 66 km pohjoižpäivnouzmha orhal vai 73 km «Baikal»-avtotrassadme (R-258), Ulan Udehesai — 170 km päivnouzmha. Misovai-raudtestancii radab Transsibal.

Bojarskii-žilo raudtestancijanno i Manturih-žilo mülüdas lidnankundha Babuškinan ližaks. Lidnankundan pind — 1 718,57 km².

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 4 831 ristitud, lidnankundan — 5 064 ristitud, rajonan kaks'toštkümnendez. Kaikiš suremb lidnan ristitišt oli 8 238 eläjad vl 1959. Vl 2017 kaik 4 542 ristitud elihe lidnas, 4 778 ristitud kaikes lidnankundas.

Edeline lidnan pämez' om Viktor Larüškin (2008 — reduku 2018).

Galerei

• 

  Lidnan muzei (2017)

• 

  Keskškol (2018)

• 

  Istorine vedimdepo Misovai-raudtestancijan vagzalan kohtas vl 2018

• 

  Misovai-päraudtestancijan sauvuz vl 2019

Irdkosketused

• Lidnankundan tobmuden aluzkundoiden oficialine sait (babushkin-gp.ru). (ven.)