Škoder

Škoder (alb.: Shkodër [ˈʃkɔˈdəɾ] i Shkodra) om lidn Albanijan lodehes. Se om valdkundan videnz' lidn eläjiden lugun mödhe, Škoderan agjan administrativine keskuz.

Škoder
Shkodër

Lidnanznam	Flag
Valdkund	Albanii
Eläjiden lugu (2011)	77,075 ristitud
Pind	16,46 km²
Pämez'	Bardh Spahia
Telefonkod	+355-(0)22
Aigvö	tal'vel UTC+1, kezal UTC+2

Istorii

Škoderan lidnusen (alb.: Kalaja e Shkodrës) aluz om pandud 4. voz'sadal EME illirižel labeatad-heimol. Lidnusen ruinad oma kaičenus hüvin läz nügüd'aigašt lidnad. Legion seižui siš Rimalaižen imperijan tobmuden aigan, i lidnan nimi libui latinan scutarii-sanaspäi «kaičijad». Keskaigan lidn mülüi serban Dukl'-valdkundha, sid' Rašk- i Zet-valdkundoiden territorijha. Vl 1479 turkad anastiba lidnad, i Ottomanan imperijan aigan se oli regionan znamasižeks keskuseks. Albanijan ezmäižed aiglehtesed oma paindud neciš lidnas.

Škoder šingotase mašinansauvomižel, elektronikan pästandal, tekstilin tehmižel, sömtegimištol.

Geografijan andmused

Lidn sijadase agjan päivlaskmas, ühtennimižen Škoder-järven randal 20 kilometras Adriatižen meren randaspäi, 13 m ü.m.t. keskmäižel korktusel. Matkad Tiran-pälidnhasai om 86 km suvhe orhal vai 95 km avtol, Mustmägin röunhasai om 14 km lodeheze.

Eläjad

Vn 2011 Albanijan rahvahanlugemižen mödhe lidnfartaliden eläjiden lugu oli 77 075 ristitud, kaiken municipalitetan — 135 612 ristitud 872 km² pindal, agjan kaks' koumandest.

Eläjiden levitadud religii om katoline jumalankodikund i islam.

Škoderan universitet Luid' Gurakučin nimed (alb.: Universiteti i Shkodrës "Luigj Gurakuqi") radab lidnas vspäi 1991. Se om sätud pedagogižen üläškolan alusel, kaik kuz' fakul'tetad i 11 tuhad üläopenikoid oli 2008/2009-openduzvodes.

Irdkosketused

• Lidnan oficialine sait (bashkiashkoder.gov.al). (alb.)