Šali (ven.: Шали, čeč.: Шела) om Venäman lidn da lidnankund Čečenijan Tazovaldkundan päivnouzmas. Se om tazovaldkundan koumanz' lidn eläjiden lugun mödhe, Šalin rajonan administrativine keskuz (vspäi 1920), mülüb rajonha.

Šali
Шали (ven.)
Шела (čeč.)
Valdkund Venäma
Eläjiden lugu (2017) 53,016 ristitud
Pind 27,02 km²
Šali Шали (ven.) Шела (čeč.)
Pämez' Magomed Kagirov
(viluku 2016—)
Telefonkod +7−87 146-xx-xxx
Avtokod 20, 95
Aigvö UTC+3 (MSK+0)

IstoriiRedigeeri

19. voz'sadal Šali oli järedaks aulaks. Eländpunkt sai lidnan statusad vl 1990. Voziden 1994−1996 sodan aigan Šalin tegimišt i äjad pertid oliba muretud. Lidn šingotase sauvondmaterialiden edheotandoil (raudbetontegim, savičtegim, kiviümbriradai tegim, cementtegim), mugažo čomamahtoližen keramikan fabrik radab.

Geografijan andmusedRedigeeri

Lidn sijadase Čečenijan tazangišton suvipalas, Džalk-jogen randal (čeč.: Жалкх, Terekan oigedpol'ne bassein), 225 m keskmäižel korktusel valdmeren pindan päl. Matkad Grozniihasai om 25 km lodeheze orhal vai 33 km avtotedme. Lähembaine lidn om Argun 10 km pohjoižhe orhal vai 15 km avtol. Lähembaine raudtestancii om saudud Argun-lidnas, 18 kilometras.

Šali om lidnankundan üks'jäine eländpunkt. Lidnankundan pind — 234,94 km².

EläjadRedigeeri

Vn 2010 kaiken Venäman rahvahanlugemižen mödhe eläjiden lugu oli 47 708 ristitud, rajonan kaks' videndest. Kaikiš suremb ristitišt om nügüd'. Islaman pämečet' da kaks' mečetid oma olmas lidnas.

Rahvahad (enamba 0,4% vl 2010): čečenalaižed — 90,2%, venälaižed — 5,4%, kumikad — 0,8%, avarad — 0,6%, kazahlaižed — 0,4%, tabasaranalaižed — 0,4%, toižed rahvahad — 2,1%, rahvahuden ozutandata — 0,1%.

Šalin ekonomine kolledž, Čečenijan Tazovaldkundan agrotehnine kolledž i Groznijan medicinižen kolledžan filial oma professionaližen opendusen aluzkundoikš.

IrdkosketusedRedigeeri


Čečenijan Tazovaldkundan lidnad
Argun | Groznii | Gudermes | Kurčaloi | Šali | Urus Martan