Ziginšor

Ziginšor (franc.: Ziguinchor, volof.: Siggcoor) om Senegalan lidn suvipäivlaskmaiženno röunanno. Se om valdkundan seičemenz' lidn eläjiden lugun mödhe, Ziginšoran agjan administrativine keskuz.

Ziginšor
Ziguinchor

Valdkund	Senegal
Eläjiden lugu (2013)	205,294 ristitud
Pämez'	Usman Sonko (uhoku 2022 — 2027, Ousmane Sonko)
Telefonkod	+221-
Aigvö	UTC+0

Istorii

Eländpunktan aluz om pandud portugalijalaižil vl 1645.

Ziginšor om maižanduzrajonan keskuz (ris, tropižed fruktad i maplodud). Pähkimvoin fabrik radab lidnas.

Geografijan andmused

Lidn sijadase Kazamans-jogen hural suvižel randal (franc.: Cazamance, lankteb Atlantižhe valdmerhe), 12 m ü.m.t. keskmäižel korktusel. Jogen 80 kilometrad 320:späi voib kävutada laivjogeks, jüguport radab lidnas 70 kilometras jogensuspäi, ehtatim om olmas joges päliči. Matkad Dakarhasai om 454 km orhal pohjoižhe-lodeheze sijaližen lendimportan kal't.

Klimat om tropižen savannan kaks'sezonine. Kun keskmäine lämuz om +24..+28 C° vodes läbi, ekstremumad oma +11 C° i +41 C°. Paneb sadegid 1558 mm vodes, kuiv sezon oleskeleb kül'mkus-semendkus (20 mm pordos), läz kaik vihmad tegesoiš heinkus-sügüz'kus (350..550 mm kus).

Eläjad

Vn 2013 Senegalan rahvahanlugemižen mödhe lidnan eläjiden lugu oli 205 294 ristitud. Kaikiš suremb ristitišt om nügüd'. Läz 300 tuhad eläjid om ezilidnoidenke.

Lidnan universitet (franc.: Université Assane-Seck de Ziguinchor) om sätud vl 2007, sijadase lidnan suvipäivlaskmas.

Edeline lidnan pämez' om Abdulaje Bal'de (2009−2019, Abdoulaye Baldé).