Vesnuhhein

Vesnuhhein
Vesnuhhein
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Magnoliopsida) Kund: Vesnuhheinänikoižed (Ranunculales) Sugukund: Vesnuhheinižed (Ranunculaceae) Heim: Vesnuhhein (heim) (Ranunculus) Erik: Vesnuhhein
Latinankel'ne nimi
Ranúnculus ácris L., 1753
Sistematik Vikierikoiš Kuvad Vikiaitas ITIS 18583 NCBI 3447

Vesnuhhein (latin.: Ranunculus acris) om äivozne heinäsine kazmuz. Se om Vesnuhhein-heimon tipine erik, mülüb Vesnuhheinižed-sugukundha.

Leviganduz

Voib vastata Evropan i Azijan venon vönen nituil. Erik om introduciruidud Pohjoižamerikha, varuline rujohein Udes Zelandijas.

Kazmuz navedib nepsoid mahusid. Voib eläda läbi venos sur'vedes vai nimadundas. Voib kazda mahusil erazvuiččenke muiktuzmäranke (pH 4,0..7,5). Kazvab hüvin plodukahil i vägitomil savikoil i savimail.

Ümbrikirjutand

Kazvab 20..50 santimetrhasai pitte. Vižsaumnikan formal jagadud lehtesed kazdas vezoil. Lühüd jurišt (0,5..1,8 sm pitte) om mahusen pindanno. Ribujuren palad kazdas lapakoikti i kon'ha alahaks, 10..40 sm süvüdehesai i 25..50 sm levette.

Vesnuhhein änikoičeb kezakus i ehtib kärnduda heinäntegole. Änikod oma pakaižed, kahthe santimetrhasai surtte. Viž äniklehtest, äi pölükid da petkloižid om änikos. Änikuz om pol'vihmankatuz. Plod om kazvanuded ühtheze pähkmuded. Äikerdoičese semnil tobjimalaz, paremba luhtoidme.

Kävutand

Kazmuz om luja morim, ei sa otta südäimehe ristituile, mezjäižile i äjile kabjživatoile.

Kazvatadas 'Flore pleno'-formad dekorativižeks, sen pakuižed änikod oma järedad ribuikahad loštabad. Vesnuhheinän tuhk mülütab nenid mikroelementoid (procentoiš): kalii 24,3, kal'cii 18,4, natrii 6,0, hlor 5,0, magnii 4,1, ola 3,7, fosfor 3,5, raud 2,4, rik 1,8.

Kävutadas hibjan irdpolespäi, ottas tervehtamha poltatesid, satatesid, pän kibuid, tuberkulözad.