Avaita pämenü

Ustüžnan rajon (ven.: Устюженский район) om rajon Vologdan agjas.

Ustüžnan rajon
Устюженский район
Znam
Coat of arms of Ustyuzhna and Ustugnovsky District (Vologda Region).png
Flag
Flag of Ustyuzhensky rayon (Vologda oblast).png
Valdkund Venäma
Administrativine keskuz Ustüžn
Eläjiden lugu (2015) 17 523 ristitud
Pind 3 558,60 km²
Ustüžnan rajon Устюженский район

Administrativine keskuz om Ustüžnanlidn (rajonan eläjiden pol').

IstoriiRedaktiruida

Rajonan aluz om pandud vl 1927 elokun 1. päiväl Leningradan agjan Čerepovecan ümbrikos. Vl 1930 heinkun 23. päiväl heittihe ümbrikod, i vhesai 1937 rajon mülüi Leningradan agjaha kuti administrativine ühtnik. Rajon om olmas nügüdläižiš röunoiš vspäi 1927.

Geografijan andmusedRedaktiruida

Ustüžnan rajon om Vologdan agjan suvipäivlaskmaine taho. Pind — 3 558,6 km².

Om röunoid kudenke Venäman rajonanke:

Znamasine jogi om Molog, läz kaik joged mülüdas sen basseinha.

Londuseližed varad oma turbaz, raudkivend, mouckivi, mel, letked, mec, reskvezi.

Vs 2015 kezakun 1. päiväspäi rajonan territorii alajagase 8 ühtnikha: 1 küläkund, 6 municipališt ühtnikad da 1 lidnankund (Ustüžn-lidn).

TobmuzRedaktiruida

Vs 2014 sügüz'kun 20. päiväspäi Igor' Petrov om rajonan pämez' da Sijaližen Suiman ezimez'.

Vs 2014 keväz'kun 28. päiväspäi Mihail Makarov om rajonan administracijan pämez'. Seičeme ohjandust alištudas rajonan administracijale.

Vspäi 1996 rajonan parlament — Sijaline Suim (ven. Земское Собрание) — radab rajonas (15 ühtnijad). Edel 2006 vot sidä nimitihe Ičeohjastusen Nevondkundal (ven. Совет самоуправления).

EläjadRedaktiruida

Vn 2010 Venäman rahvahanlugemižen mödhe eläjiden lugu oli 19 716 ristitud.

Kaik om 225 eländpunktad rajonas, sidä kesken üks' lidn, 8 žilod, 214 küläd da 2 futorad.

Toine sur' eländpunkt om Želäbovan nimed žilo (1,0 tuh. rist. vl 2010).

IžanduzRedaktiruida

Rajonan ižandusen päsarakod oma mecan ümbriradmine, sömtegimišt da turizm.[1]

HomaičendadRedaktiruida

IrdkosketusedRedaktiruida