Tub (lidn, Senegal)


Tub (franc.: Touba, volof.: Tuubaa) om lidn Senegalan päivlaskmas, mülüb Diurbelin agjaha. Se om valdkundan kahtenz' lidn eläjiden lugun mödhe.

Tub
Touba
Valdkund Senegal
Eläjiden lugu (2013) 753,313 ristitud
Pind 120 km²
Tub Touba
Pämez' Abdulahat Ka
(mandat 2022−2027,
Abdoulahat Ka)
Telefonkod +221-
Aigvö UTC+0

Istorii vajehta

Eländpunkt om olmas vspäi 1887 sijal, kus sufizman Müridija-ordenan alusenpanii, Amadu Bamba Mbake-šeih (1853−1927), nägui taivhališt vauktust. Hän om Senegalan islaman hengeline lider. Lidnan nimituz libub araban kelen ţûbâ-sanaspäi «oza», «magituz».

Tub oli peneks hätken aigan, no kändihe valdkundan kul'turan keskuseks šeihan mahapanendan jäl'ghe, sur' islaman pühäpert' om vaumitud vodele 1963 lidnan keskuses. Kut islaman toižiš pühälidnoiš, siš policii radab šariatan ohjandimiden alusel.

Tub šingotase sijaližeks torguseks, produkcijan torguindal ümbärdajan maižanduzrajonan plantacijoišpäi. Äi lidnalaižid oma torgovanoikš, hö tehtas matkoid islaman mail'man lidnoidme joga vodel i todas Tuban religiiohjandusele sal'hen palad.

Geografijan andmused vajehta

Lidn sijadase agjan pohjoižpäivnouzmas, 35 m ü.m.t. keskmäižel korktusel. Om avtotesol'meks. Matkad Dakarhasai om 184 km päivlaskmha.

Klimat om tropine Saharan valatoitandanke, kaks'sezonine. Kun keskmäine lämuz om +24..+27 C° vodes läbi. Paneb sadegid 481 mm (48 m ü.m.t.) .. 1021 mm (21 m ü.m.t.) vodes, kuiv sezon oleskeleb kül'mkus-semendkus (4..5 mm pordos). Läz kaikid sadegid paneb heinkus-sügüz'kus.

Eläjad vajehta

Vl 2013 eläjiden lugu oli 753 313 ristitud, agjan pol'. Kaikiš suremb ristitišt om nügüd', läz 1 mln eläjid om lidnaglomeracijas (2018).

Islaman universitet radab lidnas.

Homaičendad vajehta