Ties (franc.: Thiès, volof.: Cees) om lidn da raudtesol'm Senegalan päivlaskmas. Se om valdkundan koumanz' lidn eläjiden lugun mödhe, Tiesan agjan administrativine keskuz.

Ties
Thiès
Lidnanznam
Blason thiès.svg
Valdkund Senegal
Eläjiden lugu (2021) 274,009 ristitud
Ties Thiès
Pämez' Babakar Diop
(mandat vozikš 2022−2027,
Dr Babacar Diop)
Telefonkod +221-
Aigvö UTC+0

IstoriiRedigeeri

Eländpunktan aluz om pandud vl 1864 kuti francine fort. Vspäi 1885 om raudtestancijaks «DakarSen Lui»-keskustal. Tiesan kund (kommun) om sätud vl 1904.

Ties šingotase avtobusoiden i traktoriden ühthekeradamižen «Senbus Industries»-edheotandal (vspäi 2001), akkumulätoriden pästandal, kouroiden tehmižel, sömtegimištol (lihan ümbriradmine), elektromehanižel inžiniringal, alüminijan fosfatan samižel ezilidnas eksportan täht (Taib- i Pallo-kaivuded), torguindal. Om maižanduzrajonan keskuseks.

Geografijan andmusedRedigeeri

Lidn sijadase agjan keskuzpalas, 63 m ü.m.t. keskmäižel korktusel. Matkad Dakar-pälidnhasai om 60 km päivlaskmha.

Klimat om räk pol'kuiv. Voden keskmäine lämuz om +25,7 C°. Paneb sadegid 503 mm vodes.

EläjadRedigeeri

Vl 2002 lidnan eläjiden lugu oli 237 849 ristitud, vl 2013 — 286 283 ristitud. Vl 2019 kaik 765 213 eläjad oli ezilidnoidenke, agjan koumandez.

Islaman läz nell'kümned mečetid oma avaitud lidnas. Katoližen jumalankodikundan seičeme tulendad ratas Tiesas, ph. Annan päjumalanpertinke.

Tiesan universitet[1] (franc.: Université de Thiès) radab vspäi 2007.

HomaičendadRedigeeri

  1. Tiesan universitetan sait (univ-thies.sn). (fr.)

IrdkosketusedRedigeeri