Sur' Rostov
Sur' Rostov vai muite Rostov (ven.: Росто́в) om Venäman lidn da lidnankund Jaroslavlin agjan suves. Se om agjan kudenz' lidn eläjiden lugun mödhe, Rostovan rajonan administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2020) | 30,515 ristitud |
| Pind | 32,01 km² |
.jpg)
| |
| Pämez' | Sergei Tihomirov (tal'vku 2022—) |
| Telefonkod | +7−48 536-xx-xxx |
| Avtokod | 76 |
| Aigvö | UTC+3 (MSK+0) |
Rostov mülüb turizman tetabha «Kuldaine rengaz»-maršrutha.
Istorii vajehta
Eländpunkt mainitase ezmäižen kerdan vl 862 lidnan statusanke, nece voz' lugese alusenpanendan oficialižeks vodeks. Se sijazihe merälaižiden tahondas i oli Saran lidnuden ezilidnaks, lidnut oli olmas Neron suvirandpolel 7-11. voz'sadoil. Vll 1207−1474 oli Rostovan kunigahusen pälidnaks. Kivižen Rostovan Kremlin seinäd oma saudud vll 1670−1683, siš om 11 čuhundust. Vl 1777 Rostov sai makundan lidnan statusad.
Sur' Rostov šingotase mašiništonsauvomižel (cisternad, öližen nägendan sodaladimed[1]), zelliden substancijoiden tedotehmižkompleksal (vspäi 2019) i farmaceftižel fabrikal, iknoiden tegimel, sömtegimištol (lihakombinat, kofecikorijan tegim, maidon edheotand, vasan tehmine, tabaktegesed), finiftin da keramikan pästandal i turizmal (572 tuh. matknikoid vl 2019).
Geografijan andmused vajehta
Lidn sijadase Nero-järven lodehižel randal (54 km², Volgan oigedpol'ne bassein), 100 m ü.m.t. keskmäižel korktusel.
Matkad Jaroslavlihesai om 55 km pohjoižhe-pohjoižpäivnouzmha orhal, 60 km avtol vai raudtel. Lähembaine lidn om Gavrilov Jam 29 km pohjoižpäivnouzmha orhal, 45 km avtotedme vai 35 km raudtedme.
Tobmuz vajehta
Sur' Rostov om lidnankundan üks'jäižeks eländpunktaks.
Lidnankundan tobmuden pämez' om sen Administracijan pämez'. Edeline Administracijan pämez' om Andrei Los' (reduku 2017 — tal'vku 2022). Lidnan Municipaližen nevondkundan ezimez' om Svetlana Kičkova vn 2017 redukuspäi. Edeline nevondkundan ezimez' om Aleksei Gavrilov, radoi vn 2017 redukuhusai.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 31 792 ristitud, rajonan pol'. Kaik 31 039 eläjad oli lidnas vl 2017. Kaikiš suremb lidnan ristitišt oli 35..36 tuhad eläjid vll 1989−2001 (36 600 rist. vl 1996).
Ortodoksižen hristanuskondan Emäganpäivän päjumalanpert' da koume jumalanpertid oma olmas Rostovan Kremliš, mugažo kaks' naižjumalankodid i üks' mez'jumalankodi, Sündun Voznesenjan pühäpert' om avaitud.
Rostovan saraktehnologijoiden kolledž[2] i Rostovan pedagogine kolledž[3] oma lidnan professionaližen opendusen aluzkundoikš.
Galerei vajehta
-
Lidnan administracijan sauvuz vl 2017 -
Rostovan Kreml', vn 2019 nägu -
Gimnazii A. Kekinan nimed vl 2018 -
«Moskovskii Trakt»-adivpert' (2009) -
Rostov Jaroslavskii-raudtestancijan sauvuz vl 2015
Homaičendad vajehta
Irdkosketused vajehta
- Lidnankundan tobmuden aluzkundoiden oficialine sait (grad-rostov.ru). (ven.)
- Lidnankundan tobmuden aluzkundoiden oficialižetoi sait (great-rostov.ru). (ven.)
| Sur' Rostov Vikiaitas |
| Jaroslavlin agjan lidnad | ||
| Danilov | Gavrilov Jam | Jaroslavl' | Lübim | Miškin | Pereslavl' Zalesskii | Pošehonje | Ribinsk | Sur' Rostov | Tutajev | Uglič | ||