Gorna Orähovic
Gorna Orähovic (bolg.: Горна Оряховица [ˈɡornɐ oˈrʲaxovit͡sɐ]) om lidn Bolgarijan keskuzpalan pohjoižes. Mülüb Veliko Tirnovon agjaha.
Lidnanznam
| |
| Valdkund | Bolgarii |
| Eläjiden lugu (2021) | 27,317 ristitud |
| Pind | 21,1 km² |
| |
| Pämez' | Dobromir Dobrev (reduku 2019—, Добромир Добрев) |
| Telefonkod | +359-(0)618 |
| Aigvö | tal'vel UTC+2, kezal UTC+3 |
Istorii vajehta
Rahovec-lidnuz oli saudud keskaigan nell' kilometrad lodeheze nügüdläižes lidnaspäi varjoičemha cariden Tarnovgrad-pälidnad. Lidnuz om pandud mantazole Ottomanan imperijan aigan.
Tahondan ekonomine šingotez zavodihe sijaližel torguindal 19. voz'sadal. Gorna Orähovic sai lidnan statusad vl 1870, sil aigal eländpunktas eli 4700 ristitud, oli 1200 pertid da viž jumalanpertid. Vl 1899 saudihe ühtennimišt raudtestancijad lidnas. Nügüd'aigan se om järed raudtesol'm, sijadase lidnan lodehes.
Gorna Orähovic šingotase saharantegimil i mašiništon pästandal (elektro-, varažomtehnik i libutimed, transformerad). Sportivižed voibištelendad i viž..kuz' festivalid oleskeldas lidnas kezaaigan joga vodel.
Geografijan andmused vajehta
Lidn sijadase agjan keskuzpalas, Jantr-jogen oiktal randal (bolg.: Янтра, Dunain oiged ližajogi), 218 m ü.m.t. keskmäižel korktusel. Matkad agjan Veliko Tirnovo-keskushesai om kahesa kilometrad suvipäivlaskmha.
Rahvahidenkeskeine civiline Gorna Orähovic-lendimport (GOZ / LBGO) sijadase koumes kilometras pohjoižpäivnouzmha lidnaspäi, kävutase jügureisiden täht, passažirreisad Sofijhasai oliba sauptud 2010-nziden voziden lopus.
Eläjad vajehta
Vl 2010 eläjiden lugu oli 32 436 ristitud. Kaikiš suremb lidnan ristitišt oli 40 890 eläjad vl 1985.
Eläjiden viž kudendest oma hristanuskojad. Ortodoksižen hristanuskondan seičeme pühäpertid oma avaitud lidnas.
Galerei vajehta
-
Lidnankundan ohjastusen pert' (2006) -
Ph. Joan Rilalaižen jumalanpert' Kalinecas, vn 2017 nägu -
Professionaline tehnine škol «Vasil Levski» vl 2016 -
Norišton keskuz (2010) -
Gorna Orähovic-lendimportan sauvused vl 2017
Sebruzlidnad vajehta
Čerepovec, Vologdan agj, Venälaine Federacii (vspäi 1998)
Irdkosketused vajehta
| Gorna Orähovic Vikiaitas |