Bolobolk (nitkazmuz)
| Bolobolk | ||||||||||||||
|---|---|---|---|---|---|---|---|---|---|---|---|---|---|---|
 Änikoičii bolobolk Poznanin botanižes sadus | ||||||||||||||
| Tedoklassifikacii | ||||||||||||||
|
||||||||||||||
| Latinankel'ne nimi | ||||||||||||||
| Tróllius europaéus L., 1753 | ||||||||||||||
|
Sil sanal voib olda toižid znamoičendoid; miše nähta niid, tulgat tänna.
Bolobolk (latin.: Trollius europaeus) om äivozne heinäsine kazmuz. Om Trollius-heimon tipine erik, mülüb Vesnuhheinižed-sugukundha.
Leviganduz vajehta
Kazvab Evropas i Päivlaskmaižes Sibiriš. Valičeb mecanröunoid, nepsoid nituid, segoitadud mecan pallištoid. Pil'vesenvastaine kazmuz. Vägitomil mahusil kazvab, no pahoin, ei tirpa solavid mahusid. Navedib kazvateližid dreniruidud mahusid venonke nepsudenke.
Kazmuz om kaičendan al Evropan äjiš tahoiš.
Ümbrikirjutand vajehta
Seikhen korktuz kazvab arvoimižihe kacten, 20 santimetraspäi tundras ühthe metrhasai kul'tiviruindas. Jur' levitase polihe avaros, 50..100 santimetrhasai, i vaiše 15 sm süvütte. Šingotase semnišpäi vitkos, änikoičeškandeb londuses ühesal vodel, kazvatandtarhas kahtendel-koumandel vodel. Kahten toižendan lehtesed: seikhen (änikvarden üläkoumandesel) i juridenno.
Änikod oma šurunvuiččed vidhe santimetrhasai diametral, niiden muju om pakuižen ližamujud: vauvhaspäi kuldatabahasai. Plod om kogotud lendailehtez, üks' lendailehtez om penenke käroutud südäimehe agjanke. Bolobolk äikerdoičese semnil.
Kävutand vajehta
Aigaline (semendku-kezaku) medenkandai kazmuz. Udmurtijan ühteks simvolišpäi.
Homaičendad vajehta
| Bolobolk (nitkazmuz) Vikiaitas |