Samarkand

Samarkand (uzb.: Samarqand, tadž.: Самарқанд) om Uzbekistanan kahtenz' surtte lidn. Se om Samarkandan agjan administrativine keskuz.

Samarkand
Samarqand

Lidnanznam
Valdkund	Uzbekistan
Eläjiden lugu (2016)	519,683 ristitud
Pind	123,82 km²
Telefonkod	+998−66
Aigvö	UTC+5

Istorii

Eländpunktan aluz om pandud 8. voz'sadal edel m.e., amuine järed keskuz Šuuktel. Mainitase Marakand-nimitusenke (amuižgrek.: Μαρακάνδα) amuižgrekan purtkil, Aleksandr Makedonijalaine oti lidnust vägel. Amuižed sauvused kadoiba mongoližen vägitungendan jäl'ghe. Samarkand oli Tamerlanan imperijan pälidnaks 14. voz'sadal. Vll 1925−1930 oli Uzbekan NST:n pälidnan.

Samarkand šingotase avtosauvomižel («Isuzu»-markan avtobusad i jüguavtod, «MAN»-kompanijan jüguavtod i ližavedamad), mašinansauvomižel (kodilibutimed), elektronikan komponentoiden i koditehnikan pästandal, himižel sarakol i kivivoinümbriradmižel, sauvondmaterialiden edheotandoil, sömtegimištol (čai, vin, spirt, maidproduktad), tekstiližel fabrikal, zelliden pästandal, turizmal.

Geografijan andmused

Lidn sijadase Zeravšan-jogen randoil, 702 m korktusel valdmeren pindan päl. Matkad Taškenthasai om 305 km pohjoižpäivnouzmha avto- i kiruhraudtedme, Tadžikistanan röunhasai om 25 km päivnouzmha avtotedme.

Klimat om subtropine kontinentaline. Voden keskmäine lämuz om +14,3 C°, tal'vkun-uhokun +2..+4 C°, kezakun-elokun +25..+27 C°. Ekstremumad oma −25 C° i +42 C°. Paneb sadegid 355 mm vodes, kuiv sezon oleskeleb kezakus-sügüz'kus (13 mm pordos).

Samarkand jagase 219 mahalläks (fartalaks), administrativižid rajonid ei ole vspäi 2004.

Eläjad

Vl 2015 eläjiden lugu oli 504 423 ristitud 123,82 km² pindal. Läz 1 mln ristituid eläb Samarkandan lidnaglomeracijas, vn 2022 administrativine reform ezimeletab lidnan territorijan ližadust i agjan keskusen sirdandad toižhe eländpunktha.

Uzbekalaižed i tadžikalaižed oma enambuses.

Irdkosketused

• Samarkand-lidnan ohjastusen oficialine sait (samshahar.uz). (uzb.) (ven.) (angl.)