Pun (marath.: पुणे Pune, Pun, hindi: पुणे, angl.: Pune [ˈpuːnə]) om Indijan ühesanz' surtte lidn-millioner, Maharaštr-štatan kahtenz' surtte lidn Mumbain jäl'ghe. Lidnan aglomeracijas elädas 5,3 mln vl 2011.

Pun
पुणे (hindi)
Pune (angl.)
पुणे (Pune, Pun) (marathin)
Valdkund Indii
Eläjiden lugu (2011) 3 115 431 ristitud
Pind 710 km²
Pun पुणे (hindi) Pune (angl.) पुणे (Pune, Pun) (marathin)
Pämez' Datta Dhankavade
Telefonkod +91-22
Aigvö UTC+5:30

Lidn om avtotegimišton da kul'turan keskuz.

IstoriiRedaktiruida

Maižanduseline Punnak-eländpunkt mainitase Raštrakutr-dinastijan vas'kžil platoil, se oli olmas 9. voz'sadas meiden erad nügüdläižen lidnan sijas.

Vozil 1674-1761 Pun oli Marathin Konfederacijan tarbhaižeks keskuseks. Vspäi 1720 sen pešvan (päministran) rezidencii oli täs, saudihe «Šanivar Vad»-lidnusen.

Geografijan andmusedRedaktiruida

Pun sijadase štatan päivlaskmas. Sahjadri-mägisel'g seižub lidnan da Arabijan meren keskes.

Lidn seižub Dekan-mägitazangištol, 560 metrad keskkorktusel, sijadase Muth-jogen oiktal randal. Punan kukhikaz territorii om alastui paksuile manrehkaidusile penen da keskvägenke (kaks'- da vižballaižed). Kaikiš korktemb om Vetal-kukkaz (800 m).

Klimat om räk pol'kuiv. Om koume sezonad: keza, musson da tal'v. Kaikiš räkämbad oma sulaku, semendku da kezaku, niiden keskmäine lämuz om +27...+30 C°. Tal'vkun da vilukun kesklämuz om +20 C°. Paneb sadegid 720 mm vodes, kaikiš kuivamb pord om tal'vku-keväz'ku (10 mm kaikes pordos), vihmoid paneb enamba kaiked kezakus-sügüz'kus (120-180 mm kus).

Pun jagase 4 zonha: Keskuzline Pun («vanh lidn»), Südäimine Pun, Irdaline Pun da Punan ezilidnad. Zonad jagase läz 60 lidnanlaptha (angl. neighborhood).

TransportRedaktiruida

Avtobusad da kiruhavtobusad oma kundaližeks transportaks lidnan südäimes. Vl 2015 metro om vaiše planoiš. Elektrojonused ühtenzoittas Punad ezilidnoidenke.

Rahvahidenkeskeine soda- da civiline «Pun»-lendimport (PNQ) sijadase 10 kilometras pohjoižpäivnouzmha lidnan keskusespäi. Sišpäi tehtas reisid AÜE:oihe da Saksanmaha, mugažo Indijan südäimes.

HomaičendadRedaktiruida


IrdkosketusedRedaktiruida