Portsmut (Nju Gempšir)

Portsmut (angl.: Portsmouth) om AÜV:oiden lidn da port Nju Gempšir-štatan suvipäivnouzmas. Mülüb Rokingem-ümbrikho, sen nellänz' surtte lidn i municipalitet, üks'jäine siti-statusanke.

Portsmut
Portsmouth

Valdkund	Amerikan Ühtenzoittud Valdkundad
Eläjiden lugu (2020)	21,956 ristitud
Pind	43,5 km²
Pämez'	Diglan Makihern (viluku 2022—, Deaglan McEachern)
Telefonkod	+1−603
Aigvö	tal'vel UTC−5, kezal UTC−4

Sil sanal voib olda toižid znamoičendoid; miše nähta niid, tulgat tänna.

Istorii

Eländpunktan aluz om pandud vl 1630, evropalaižiden ezmäine žilo štatan territorijal. Kirjutihe peneks lidnaks (angl.: town) vl 1653. Štat sai nimitust Anglijan Hemp-grafkundaspäi, i lidn om nimitadud sen järedan Portsmutan mödhe. Sai siti-statusad vl 1849. Kožundakt om allekirjutadud neciš lidnas Venäman i Japonijan keskes sodan lopindaks vl 1905.

Portsmut om laivansauvomižen taho lidnan alusenpanendaspäi. Štatan üks'jäine valdmeriport radab siš. AÜV:oiden armijan vedenalaižiden laivoiden sauvomine tegese lidnanno, sodabaz-ki oli Vilusodan aigaspäi. Lidn šingotase mugažo verhiden maiden dokumentoiden valdkundaližel keskusel, biotehnologižen «Lonza Biologics»-kompanijan palakundal, «Liberty Mutual»-varmituzkompanijan palakundal, kül'menzoittud jogurtan edheotandal, pakuitadud programholitusen «Bottomline Technologies»-kompanijal.

Geografijan andmused

Lidn sijadase Atlantižen valdmeren randal, kuz' metrad ü.m.t. keskmäižel korktusel.

Klimat om ven neps. Voden keskmäine lämuz om +8..+9 C°. Ekstremumad oma −32 C° i +40 C°. Paneb sadegid 1287 mm vodes, läz tazomäras kuidme (91..126 mm kus).

Eläjad

Vn 2010 AÜV:oiden rahvahanlugemižen mödhe lidnan eläjiden lugu oli 21 233 ristitud. Kaikiš suremb ristitišt oli 25..26 tuhad eläjid vll 1960−1990 (26 900 rist. vl 1960).

Profopendusen koumen aluzkundan kampusad ratas lidnas, niiden keskes Franklin Pirs-universitetan kampus (päfater om štatan Rindž-lidnudes) i kahten kolledžan.

Edeline lidnan pämez' (mer) om Džek Blelok (radoi vspäi 2016, Jack Blalock).

Irdkosketused

• Lidnan oficialine sait (cityofportsmouth.com). (angl.)