Pazjaren küläkund
Pazjaren küläkund (ven.: Сельское поселение Пяжозерское) om venän i vepsän küläkund Vologdan agjan Babajevon rajonan pohjoižes-lodehes. Sen administrativine keskuz om Pazjar-žilo, sijadase küläkundan suvipäivnouzmas.
Istorii vajehta
Küläkund om sätud vn 2006 1. päiväl vilukud enččen Pazjaren külänevondkundan territorijal. Pind om 1394,05 nellikkilometrad. Kaik koume žilod (toižed oma Kalažm i Alanožem) da ühesa küläd mülüdas küläkundha.
Geografijan andmused vajehta
Pazjaren küläkund röunatab:
- Vepsän rahvahaliženke küläkundanke päivnouzmas,
- Keskuzliženke küläkundanke suves,
- Leningradan agjanke päivlaskmas (Tihvinan i Kos'kenaluižen rajonad),
- Vitegran rajonan Koštugin i Šuštan küläkundoidenke pohjoižes.
Nened vezištod sijadasoiš municipalitetan territorijal: Pazjar, Linžjärv, Nažmjärv da tž., jokstas joged: Nožem, Pazjogi, Kalažm-jogi, Logjogi, Sarožk. Ojat'-jogi zavodiše Čaimjärves küläkundan lodehes, kus Vepsän ülüden pala seižub.
Eläjad vajehta
Vn 2010 kaiken Venäman rahvahanlugemižen mödhe küläkundan eläjiden lugu oli 1106 ristitud (rajonan kaks'kümnendez), heišpäi 693 ristitud elihe Pazjar-žilos. Vodele 2017 ristitišt poleni i tegihe 890 kaikenaigašt eläjad.
Homaičendad vajehta
Irdkosketused vajehta