Vepsän rahvahaline küläkund

Vepsän rahvahaline küläkund (ven.: Вепсское национальное сельское поселение) om territorialine palakund (edel vn 2022 kezakud — küläkund) Venäman Vologdan agjan Babajevon ümbrikos. Palakundan keskuz — Timošino-külä.

Küläkundan röunad i sijaduz rajonas

Istorii

Küläkund om sätud 2009-ndes vodes. Nügüdläine pämez' om Larisa Vasil'jevna Ivanova (vlpäi 2009).

Geografii

Küläkund sijadase ümbrikon pohjoižpäivnouzmas, Vepsän ülüden suvipäivlaskmas. Sen pind om 1 666,3 nellikkilometrad. Pindaspäi 81,7% om mecad da 16,5% maižanduzmad.

Eländpunktad

1. Timošino-külä (ven.: Тимошино) — administrativine keskuz
2. Agj (Конец)
3. Aksintant (Аксёново)
4. Artäntant (Артёмово)
5. Čoga (Угловая)
6. Dunovo (Дуново)
7. Fenčikovo (Фенчиково)
8. Gridino (Гридино)
9. Jakutino (Якутино)
10. Janglaht (Янголохта)
11. Järvidenkeskez (Межерье)
12. Homankülä (Фоминская)
13. Hudäkovo (Худяково)
14. Kaist (Кийно)
15. Koivištaluine (Подберёзка)
16. Kundust (Киндаево)
17. Labino (Лабино)
18. Mamajevo (Мамаево)
19. Markutan (Марково)
20. Mäguine (Горка)
21. Noskovo (Носково)
22. Novink (Новинка)
23. Novoserkovo (Новосерково)
24. Prangatist (Панкратово)
25. Pust (Kaistanno) (Пустошка; OKATO: 19 205 832 010)
26. Pust (Timošinonno) (Пустошка; OKATO: 19 205 864 008)
27. Rakunovo (Ракуново)
28. Rand (Берег)
29. Rusked Mäguine (Красная Горка)
30. Sautino (Саутино)
31. Savinkülä (Савинская)
32. Sergejevo (Сергеево)
33. Slabad (Слобода)
34. Sontaga (Заболотье)
35. Stunino (Стунино)
36. Surg (Никонова Гора)
37. Turzin (Туржино)
38. Vasino (Васино)
39. Virahtan (Вирино)

Eläjad

Vn 2010 kaiken Venäman rahvahanlugemižen mödhe küläkundan eläjiden lugu oli 1 269 ristitud, vähemb pol't heišpäi oliba vepsläižed. Ei kaik külišpäi oma etnižišti vepsläižed küläd mugažo.